آزاد ہند ائے فوج

آزاد ہند ائے فوج ہندوستان ائے کڑوڑیں مخلوک ائے دل آنی اندا زیندغ ایں۔ 1946 آژ رندا ہر سال ملک اندرا 23 جنوری آر نیتاجی سبھاش چندر بوس ائے یوم پیدائش منائینتھی آرو۔ آنگا تہ آں ہانی وزی ریاست بنگال اندرا ہمیں دیوان گیش مزائیں پیمانہ سرا اوگیش جوش و جذبہ آگو منائیتھی آ رو۔ مچھیں ملک اندرا آزاد ہند فوج ائے آہانی قربانی آنر گیرارغ آپا جلسہ بی آں ۔
دہلی اندرا آزاد ہند فوج ایسوسئیشن نیتاجی سبھاش چندر بوس ائے یوم پیدائش سال بہ سال گیش بندوبست آگو منائیتھو آہانی ائیں آزاد ہند فوج ائے یاد آر قائم داری۔ دارالخلافہ آر گھٹ آژ گھٹ سال اندرا یکھ دھکا ہمیں مڑدم او آزادی ائے ہمیں فوج آر گیرا رائنی ہماں ہانی نعرہ آ ’’ دلّی چلو ‘‘ مطلو دلّی جُزے او ہماں ہانی نصب العین لال قلعہ اندرا سوب مندی ائے پریڈ کھنغ او وائس رائے ہاؤس سرا ترنگا لہرائینغ آ۔ لیکن تاریخ وزی دگ سرا پکوئی آ جزی۔ پیشا جواہر لعل نہرو گڈا لال بہادر شاستری آنہی آژ رندا اندرا گاندھی وغیرہ او نی نریندر مودی صاحب آزاد ہند ائے مزن ایں وزیر ائے حیثیت آگو ہر سال 15 اگست ائے بانگھن آ لال قلعہ ائے فصیل آژ ترنگا لہرائینغ آپا کھایاں۔
بوجلائی آژ ہی سبھاش چندر بوس ائے دماغ اندرا روہانی ایں عنصر غالب آ۔
ہند ائے آزادی ائے جدوجہد ائے تاریخ لکھغ آپا ہماں ہی اندرا آزاد ہند فوج ائے کڑدار دی اوار ایں۔ آزاد ہند فوج ائے سروکی کھنغ والائیں مڑدم نیتاجی سبھاش چندر بوس ساں۔
16 اگست 1947 ائے روش آزاد ہند فوج آپا جذبہ آنگو پُھر آ۔
ہمیں روش آ آزاد ہند ائے سری ایں مزن ایں وزیر واجا جواہر لعل نہرو آ لال قلعہ ائے فصیل سرا قومی ترنگا لہرائیں تھا۔
ہماں روشا آزاد ہند ائے سرکار آ سرکاری طور سرا ہمیں تاریخی دیوان ائے یکھ عکس ہماں وضاحتی نوٹ پھجی آ جاری کھزا۔
ہماں ساعت آ آزاد ہند فوج ائے وشادگی ائے توار مچھیں ملک اندار بلند بی غئے ساں تا سڑدار ولبھ بھائی پٹیل آ کولکاتہ اندرا جلسۂ عام آر دیم کھنانا گوشت غئے سا کہ آزاد ہند فوج آزاد ہندوستان ائے فوج اندرا نیامغی حیثیت داری۔ لیکن اے آہانی بھاگ نیا۔ آزاد ہند فوج پٹ و پھول او فلاح کمیٹی آ ہماں ہی ائے صدر پٹیل جنرل سکریٹری واجا پرکاش ساں اگرچہ آزاد ہند فوج ائے سپاہی آں پا گزران دیغ ائے گمانی کوشش کھزا لیکن آزاد ہند فوج آر آزاد ہندوستان ائے فوج اندرا گتی آ نہ شزا ۔

بلوچی ترجمہ : اندر کمار ، بلوچی یونٹ
آل انڈیا ریڈیو ، نئی دہلی