ہندائے دستکاری

گزران حاصل کھنغ ائے مڑدم آگُر چھِیار اہم ایں طریقہ آں ۔ کشت کاری ، سوزا گری ، ملازمت ، او صنعت ۔ علم و ہنر او صنعت آپا چھڑوئ آ ہنر ائے ضرورت ایں ۔ ہماں مڑدم آگر ہنر بی آں ہچھ دی ہَند آ وزی کاربار کھز کھنتھ ۔
مئے ملک وزی وڑ وڑ ائے صنعت آں پا یدر مشہور رہسا ۔
مثلاً چرخہ آگو بندیخ ٹھا ہنتھو جَر ٹھا ہینغ باز کاہنیں پیشہ ایں ۔
یکھ وخت آ کہ ڈھاکہ ائے ململ ہمختر تھنکی آ ٹھا ہینتھی آ شز کہ کیئی گز جر چھڑوئ آ یکھ بانسری اندرا آتک بیس ۔ مروشی تہ صنعت آ ہمختر ترقی کھزا کہ مچھیں نمونہ ائے گونڈ و مستر کار مشین آنگو کھزی آ رواں ۔ لیکن ہمیں کار آر کاہنیں زمانہ اندرا مڑدم آ وزی دست آنگو کھز ۔ ہزاریں مڑدم آں وڑ وڑ ائے صنعت آنژ وزی آپا نغن ائے بندوبست کھز سا ۔
صنعتی انقلاب ائے نوخ کاری اندرا مڑدم آنی ہَند مشین آں گتؤ اشتا او ہمیں واجھا صنعت آنژ حاصل بئغ والائیں زر چھڑوئ آ ہماں چھیئے بھاگیائیں مڑدم آنی میرات بیسؤ شزا ہماں ہانگر مزائیں مزائیں مشین ساں ۔ تحریک آزادی نیاما مہاتما گاندھی آ اولی ایں دھکا ہمیں مسئلہ آر باز گرانی آ محسوس کھزا ۔ آں ہاں ملک آر وزی پھاز آنی سرا جکھینغ آپا کھدر جوڑ کھنغ او دیگر نمونہ ائے دست کاری آنر دیما برغ سرا زور داسا ۔
مئے ملک ائے نزیخ مچھیں علاقہ ہچھ نہ ہچھ دست کاری آپا مشہور آں ۔ مثلاً کیرالہ اندرا ناریل ائے پھُٹ او ہورگیں ناریل آنگو ٹھہسی آ شز غیں شئے آنژ علاوہ سمندری کوڈی آنگو باز سونہڑائیں شئے ٹھاہینتھی آ رواں ۔
میسور اندرا ریشم ائے جر ، بنگال اندرا کرپاس ائے شئے ، راجستھان اندرا پتل ائے ہیران آنی سرا عکس کاری ، اتر پردیش اندرا بنارس ائے ساڑھی ، مرزا پور ائے غلیچہ، خورجہ ائے چینی ریخ ائے ہیران ، علی گڑھ ائے جندرو ، میرٹھ ائے قینچی، رام پور ائے چاقو، مرادآباد ائے تانبہ او پیتل ائے ہیران آنی ہچھ دیگر مٹ نئیں۔ پنجاب اندرا لیو آنی سامان، ہریانہ ائے سُوتی جر، کشمیر ائے ڈوہر، پشمینہ، نمدہ، کمبل وغیرہ آنژ علاوہ کھنڑ کوٹ ائے دار ائے سامان او ہیران آنی سرا عکس کاری آپا دی مچھیں ملک اندرا مشہور ایں ۔ گونڈی آ اے کہ مچھیں ملک ہر واجھیں دست کاری آنی کار ائے شریں نمونہ پیش کھنتھ ۔

بلوچی ترجمہ : اندر کمار ، بلوچی یونٹ
آل انڈیا ریڈیو ، نئی دہلی