بریکزٹ گپتران آپا تھریسامے اۓ خلل دیر:

برطانوی پارلیمان اۓ ایوان زیریں آ سر وزیر واجہ تھریسامے آ یورپی یونین آژ جتا بی اغ آپا گپ تران اۓ قانونی حق داسا۔
ایشین ایج وتی یک رپورٹ آ لکھی ایوان زیریں آ ۱۲۲ اۓ مقابلہ آ ۴۹۴ پارلیمان باسک آں سروزیر تھریسامے آ بریکزٹ گپ تران شروع کھنغ اۓ حق آ فیصلہ داسا ۔نی ہمیں بل آ دیگر جانچ آپا ایوان بالا یعنی ہاؤس آف لارڈز آ پیش کھزی آ رؤ ،لیبر پارٹی اۓ ۵۲ پارلیمان باسک آں وتی پارٹی اۓ موقف آژ بغاوت کھزا ہمائی آ لیبر پارٹی اۓ سروک گلائیو لوئیس دی شامل ایں۔
سروزیر تھریسامے آ لزبن منغ نامہ اۓ آرٹیکل ۵۰ اۓ زریعہ آگو یورپی یونین اۓ پھجی آ گپ تران اۓ بنگیج آپا ۳۱ مارچ آ آخیری ایں تاریخ مقرر کھزا ۔