صدر ٹرمپ او قاضی آنی نیانا محاز آرائی جاری۔

ڈونالڈ ٹرمپ اۓ امریکی مزاائیں عدالت آپا نامزد قاضی Neil Gorsuch سماعت اۓ نیاما ھپت مسلمان ملک آنی شہری آنی سفر چکا پابندی اۓ نکتہ چینی کھزا ۔قاضی آ ہمیں ٹؤک دو امریکی سینیٹر آنگو بیٹھک اۓ نیاما گوشتا۔
ھندوستان ٹائیمز اۓ روگا روت با جین ریپبلیکن جماعت اۓ پالیسی آنی حکمت عملی آگو جڑسی ایں او گور سچ اۓ ،سینیٹ آ آنہی اۓ نامزدگی اۓ مسلہ آ سروکی آپا وہائیٹ ہاؤس آ آنہی حزمت گتا۔یک قاضی جیمز رابرٹ آ گوستی ایں جمعہ آ صدر ٹرمپ اۓ ہمیں سرکاری حکم چکا عمل کھنغ داشتغۓ سا۔صدر ٹرمپ آ وتی جواب آ گوشتغۓ سا کہ امریکہ آ اگر ہچھ دھشت گردی اۓ حملہ بیسا تہ آنہی زمہ واری قاضی رابرٹ او عدالت چکا بی۔
مزن ایں عدالت اۓ قاضی آں صدر ٹرمپ اۓ بیان آ ناوش او حوصلہ بھورینوخ ڈسسا او ھچھ دی عدالت چکا ٹرمپ اۓ ہمیں جواب آ مچھیں قاضی آنی چکا حملہ منسغۓ سا۔صدر ٹرمپ آ ٹویٹر چکا آنہی جواب داسؤ گوشتا کہ قاضی گورسچ آ آنہی آ ہماں دی چھی اے گوشتا آنہی آ ہماں ردین ڈول آژ پیش کھزا۔