اٹلئ ساحلین امنیتئ ڈل : گیش شہ ۳۰۰۰ مھاجر شہ لیبیا رکینتگ بوتگنت۔ 

 
اٹلئ ساحلین امنیتئ ڈل ھال داتگیت کہ زیئن روچا گیش شہ ۳۰۰۰ مھاجر کہ کوشست داشتنت شہ مدیترانہ بحرا تیر بوتہ بہ اروپا برسنت، شہ بحرئ تھا رکینتگ بوتگنت۔ یکئ شہ ساحلین امنیتئ رسمین کارکنوکان گشتگیت کہ رندا شہ چُنت وھدہ آرامیا، مھاجر شہ موسمئ شرِّین حالاتان کٹ گپتگنت و بہ مزنئن کچانہ دیم بہ اروپا رادگ انت۔ اٹلئ سرکار گشتگیت کہ بہ دیمترئ سالا ھمی وھدہ ۱۱،۹۱۱ مردم شہ بحرئ تھا رکینتہ بوتتنت مگہ ای سالئ تھا تہ مارچ ۱۸ یک کچانہ برابیر گون ۱۶،۲۰۶ مھاجر شہ بحران رکینتگ بوتگنت۔