ھند وتی ناوشنودیا پہ چین بہ آروناچلئ شش جاگانی نامئ بدل کنگا درا کرتگیت۔ 

ھن پہ چین وتی ناوشنودیا بہ ای بھرا درا کرتگیت کہ آ مُلک بہ آروناچل پردیشئ تھا شش جاگانی ناما بدل کرتگیت۔ ھند گشتگیت کہ نوکین نام پہ ھم پلّین مُلکئ ایالتان یک گیرکانونین کارئ را کانونی کرتگ نہ کنت۔ ڈنئ کارانی وزارتئ گوشوک گوپال باگلئ بہ یک سوجئ پسوئ کہ شہ میڈیا نیمگا سوج بوت گشتگیت کہ آروناچل یک اھمین ٹوکورئ شہ ھند استیت و ھر وھدہ مانیت۔ بہ چارشمبہ روچا چین جار جتگیت کہ آ پہ ۶ جاگان کہ بہ آروناچلئ تھا استنت استانداردین نام اشتگیت و گشتگیت کہ ای کار کانونی انت۔ ای کار رندا شہ چُنت روچا تسر بوتگیت کہ بیجینگ بہ ھندئ حلاپا پہ تبتین روحانین سروک دلاءی لامائ دورہ شہ ای مُلکا احتجاج کرت۔