21-04-017 

پاکستان اۓ سر وزیر نواز شریف پناما پیرس مسلہ آ نا اہل منسی آ روغ آژ زرا آژ بھچسا۔پنچ قاضی آصف سعید کھوسہ،قاضی گلزار احمد،قاضی اعجاز افضل خان ،قاضی عظمت سعید او قاضی اعجاز الحسن،چکا مشتمل پاکستانی مزن ایں عدالت اۓ یک بینچ آ وتی فیصلہ آ گُشتا کہ واجہ شریف آ نااہل منغ نویس بی او آنہی کُنبہ اۓ زریعہ ردین طریقہ آگو زر آنی لین دین اۓ مسلہ آ پٹ پھول آپا یک پٹ پھول ٹیم ،جے آئی ٹی، ٹھائینغ لوٹھی۔عدالت آ گُشتا کہ واجہ شریف آ سر وزیر اۓ عہدہ آژ ہٹائینغ آپا آنہی خلاف بدعنوانی اۓ شواھِد ناکافی آں ۔عدالت آ واجہ شریف او آنہی دو بچھ حسن او حُسین آ ،جے آئی ٹی ،اۓ دیما پیش بی اغ اۓ حکم داسئی۔جے آئی ٹی ،وفاقی پٹ پھول ایجنسی ایف آئی اے،نیشنل اکاؤنٹبلٹی بیورو این اے بی،سیکوتری اینڈ ایکسچینج کمیشن آف پاکستان او ملٹری انٹلی جنس ایم آئی اۓ افسر آنی چکا مشتمل بی۔اے ہر دو ہفتغ آ بینچ آ وتی رپورت پیش کھنت۔ہمیں مسلہ اۓ سماعت گوستی ایں سال ۳ نومبر آ شروع بیسغۓ سااو مزن ایں عدالت آ ۲۳ فروری آ آنہی کاروائی پورا کھنغ آژ پیشا ہمیں مسلہ اۓ ۳۵ سماعت کھُزغاں ۔واجہ شریف اۓ خلاف اے مسلہ مبینہ ڈؤل چکا غلط طریقہ آںژ زر آنی لین دین اۓ غیں ۔الزام ایں کہ ہماں وخت آں ۹۰ اۓ دھائی آ دوہمی بار سروزیر اسا تہ آنہی آ ہمینگے بدعنوانی کھُزغۓ سا۔آنہی آ لندن آ ماڑی آنی گِرغ اۓ دی زکر ایں ۔اے ماڑی آنی کل ہماں وخت بیسا ہماں وخت پناما پیرس لیک اۓ زریعہ اے کل بیسا کہ ہمیں ماڑی آنی ہماں ڈن اۓ مُلکی کمپنی سُدھ سنبھال  کھناں ہماں کہ واجہ شریف اۓ چھُکھ آنی ملکیت ایں ۔پناما پیرس اۓ روگا واجہ شریف اۓ چھیار چھُکھ آنژ سۓ یعنی،جِنکھ مریم ، او بچھ حسن او حُسین ڈن اۓ کمپنی آنی مالک آں او آںہاں گو کے ای کمپنی آنی لین دین اۓ اختیار مِلسی ایں۔اے کیس پاکستان تحریک انصاف اۓ سروک او دوہمی مڑدُم آنی وٹاژ داخل کھُزی ایں یک عرضی چکا مبنی ایں ہمائی آ واجہ شریف اۓ کُنبہ چکا لندن آ ماڑی ایر کھنغ اۓ الزام جھزی آ شُزا ۔عدالت آ اے دی حکم داسا کہ ہمیں ٹؤک اۓ دی پٹپھول کھُزی آ برؤ کہ زر قطر تھانگا دیم داسی آ شُزغاں ۔پناما پیرس آ پاکستان آ گچین کاری آژ سرا اۓ مِڑائی شروع کھُزؤ اِشتا ۔ہمینگن آ ہماں وخت درگتہ کہ پاکستان پیشا آژ دھشت گردی آ دیما کھنغیں او بین الاقوامی براسی آ دی دھشت گرد گروہ آنی دست رکھیائی کھنغ آپا آنہی بد گوشی کھُزا ،نی پناما پیرس واجہ شریف آ مصروف ایر کھنغ والا ایں ۔پاکستانی پؤج دی مسلہ آ بیسغیں دیم روی چکا نیاہ ایر کھُزی ایں ۔پیسر اۓ آرمی سروک جنرل راحیل شریف دی یک مقبول دیم رہسا او اینگا محسوس کھُزی آ رؤغیں کہ آں سیاسی منظر نامہ آ اوار بیس بی۔اپوزیشن پارٹی او سیاسی زانتکار آ دعوی کھُزا کہ بدعنوانی اۓ مسلہ گچین کاری چکا اثر ماکھُز کھنت ۔ہمینگا محسوس بی غیں کہ ۲۰۱۸ اۓ گچین کاری سروزیر نواز شریف آپا باز آسان مسلہ بی اغ والا نعیں ۔