بہ ۲۳ مئ تاریخا سرئ وزیر واجہ مودی آپریکائین دیمرئی بینکئ سالینہ ئن دیوانا بنگیج کنگا بنت۔ 

سرئ وزیر واجہ نریندر مودی آپریکائین دیمرئی بینکئ دیوانا بہ ھمی ماھ ۲۳ تاریخا بنگیج کنگا انت۔ مالین کارانی سکرٹر شانٹیکانٹا داس بہ گپ و ھبران گون حوالکاران گشتگیت کہ پہ اولی وار بہ آپریکائین دیمرئی بینک ڈلئ تاریخئ تھا ھند شہ آی سالینہ ئن دیوانان میزبانی کنگا انت۔ آوان گشتنت کہ ای دیوان بہ ۲۲ مئ روچا بناہ بنت و تہ ۲۶ مئ رادگ ماننت و بہ گُجرات، گاندھی نگرئ تھا تسر بیگا انت۔ واجہ داس گشتنت کہ ای سالینہ ئن دیوان پہ ای بینکا باز اھمین وھدہ انت کہ بہ آوان ۳۰۰۰ رسمین ڈل شہ ۸۱ باسکین مُلکان شہ جھانئ مُچین ھندان کوت گرنت۔ آوان گشتنت کہ بہ ای دیوانئ تھا ای ڈلئ سروک آ مزنئن چیلنجانا کہ آپریکائین مُلکانی دیمرئی گون آوان دیم پہ دیم انت آ پٹ و پولئ چیرا گرنت۔