پاکستانئ پوجئ سروک بہ جھاڈوئ حلاپا چھیٹیانا پٹ و پول چیرا گپتگیت۔ 

 
پاکستان پوجئ سروک جنرال قمر جاوید باجوا نون بہ ھندین شھروند کُلبھوشان جھاڈوئ حلاپا مُچین چھیٹیانا بہ پٹ و پولئ چیرا گپتگنت کہ شہ پاکستانئ پوجین محکمہ نیمگا پہ آی دار جنگئ حکم داتگ بوتہ و رندا فیصلہ کننت کہ پہ دوارگ بہ محکمہ تھا وتی لوٹگا دیما بکنت یا کہ نہ۔ زیئن روچا بہ اسلام آباد پاکستانئ پوج ای ھبرا گشتگیت۔ جھاڈو بہ گڈین ماھ یک بخششئ لوٹگئ پہ جنرال باجوا دیما کرتگیت۔ بہ آپریل ماھ پہ جھاڈو شہ پاکستانئ پوجین محکمہ نیمگا دار جنگئ حکم داتگ بوتتیت و بہ آی سرا الزام جتگ بوتہ کہ آ بہ چُگولی و دھشت گردین کارانی تھا موشکول بوتہ۔ بہ مئ ماھ بین الاکوامین عدالتئ محکمہ آی دار جنگا بہ ھندئ لوٹگانی پھدا اوشتارینت۔