13-09-2017 

ہماں وخت صدر ٹرمپ آ نوخیں افغان پالیسی اۓ جار جھزغۓ سا او ہمائی آ آنہی آ ھِند اۓ وٹاژ خاصیں کردار ادا کھنغ اۓ ٹؤک گوشتغۓ سا تہ پاکستان آ آنہی چکا باوشی پھیدھارتھی آ شُزغۓ سا او اے تک گوشتی آ شُزغۓ سا کہ افغانستان آ وتی ناسوبی آ لکینغ آپا امریکہ پاکستان آ قُربانی اۓ بُز نہ کھنت چوش کہ آنہی برعکس جار آ پھدا یعنی اے ٹؤک دیما آئیغ آ پھدا کی چین دی دیگر مُلک آنی ڈؤل آ لشکر طیبہ،جیش محمد،او حقانی نیٹ ورک ڈؤل اۓ تنظیم آنر دمغ اۓ سلامتی آپا خطر پوہ بی پاکستان اۓ لہجہ اندرا چھی اے بدل آختا او پاکستان اۓ ڈن اۓ وزیر آ اے گُشغ بِنا کھُزا کہ پاکستان آ سر گرم بین الاقوامی پیمانہ چکا دھشت گرد منسی ایں گروہ آنی چکا پابندی جھنغ ناگزیر بیسا۔دہمی دی چُنتی پاکستانی لیڈر او سفارتکار آ ہمیں ٹؤک چکا زور داسا کہ پاکستان آ وتی ڈن اۓ پالیسی آ بدل کھنغی بی ۔پاکستان اۓ آرمی چیف جنرل قمر جاوید باجوا آ راول پنڈی آ اے گوشتا کہ کشمیر اۓ مسلہ سیاسی او سفارتی سطح چکا حل کھنغ لوٹھی ۔سرکاری سطح چکا نی ایں روش آں ہماں بدل اۓ ہماں کہ اِشارہ مِلسا ،آنہی آژ پاکستانی میڈیا اندرا دی مزن ایں پیمانہ چکا ہمیں ٹؤک اۓ زکر بیسا۔پاکستانی اخبار آنی اندرا بروبر ہمینگے ٹؤک چھاپسی آ روغاں ہمائی آژ اے اٹکل بی کہ بدل اۓ یک گواس پیدا بیسا۔ھِند یک ہمسائیگ مُلک اۓ ڈؤل آژ پاکستان اۓ سوچ آ نیاہ آئیغ والا ایں ہمیں بدل اۓ وشادگی کھنت شرط اِش انت کہ ہموزا اۓ سیکیورتی اسٹیبلشمنت راست معنی آنی اندرا ھِچھ بنیاتی بدل اۓ حق آ بی۔ھِند عام ایں ڈؤل چکا پاکستان اۓ اندری ایں مسلہ آنی زکر کھنغ آژ گریز کھنت پاکستانی حاکُم آنر دی لوٹھی کہ آں ھِند اۓ اندری ایں مسلہ آنی تعلق آژ زمہ واری پھیلو کھنت ۔کشمیر اۓ حالت ردین ہمیں سبب آژ بی آں کہ پاکستان سدھائی آ مُداخلت کھنت او ہمازا اۓ پؤج او ایجنسی مان پوت رگ کھنوخ او دھشت گرد آنی واہریائی کھُزؤ حالت آنر ردین کھنغ اۓ کوشش کھنت ۔اگر دھشت گردی او مان پوت رگ جکھی برؤ تہ دمغ آ امن اۓ ماحول قائیم کھنغ آ آسانی پیدا بی ۔