مرکزی کابینہ آ مرکزی او ریاستی یونیورستی ،تکنیکی ادارہ او مدد گِتی ایں کالج آنی فیکلٹی باسک او دیگر تعلیمی عملہ آپا ہپتمی تنخواہ کمیشن اۓ فائیدغ آنر منظور کھُزا۔

مرکزی کابینہ آ مرکزی او ریاستی یونیورستی ،تکنیکی ادارہ او مدد گِتی ایں کالج آنی فیکلتی باسک او دیگر تعلیمی عملہ آپا ہپتمی تنخواہ کمیشن اۓ فائیدغ آنر منظوری داسا ۔آنہی اطلاق گوستی ایں اولی ایں جنوری آژ بی ۔ہمیں فیصلہ آژ ساڈھو ایں ہپت لکھ آژ گیش اُستاد آنر فائیدغ بی۔بیٹھک آ پھدا نوخیں دلی آ حوال کانر آنر زانتکاری داسؤ مڑدمی وسیلہ آنی ترقی اۓ محکمہ اۓ وزیر پرکاش جاوڑیکر آ گوشتا کہ نوخیں پے سکیل اۓ روگا اُستاد آنی تنخواہ آ دھ آژ پنجہ ہزار زر اۓ گیشتری بی ۔آنہی آ گوشتا کہ ہمیں فیصلہ آژ آئی آئی ٹی ایس،آئی آئی ایم ایس، آئی آئی آئی ٹی ایس او مرکز اۓ بُنا کار کھنغ والا دیگر ادارہ آنی اُستاد آنر فائیدگ بی۔