سرئ وزیر مودی گون وتی آسترالیائین ھم منصب واجہ ملکلم ٹرنبول دو نیمگین وڑئ دیوان کرتگنت؛ مروچی بہ آسیائ روچ دراتئ دوازدھمی دیوانا و ھند- آسیان پانزدھمی دیوانا کوت گرگا انت۔ 

سرئ وزیر واجہ نریندرا مودی گون وتی آسترالیائین ھم منصب واجہ ملکلم ٹرنبول بہ سہ شنبہ سھبا دو نیمگین وڑئ دیوان کرتگنت۔ بری گپ و ترانا دوکین نیمگ بہ دو نیمگین، سیمین و بین الاکوامین سَکیانی باروا وتی پکر و حیالانا شریک کرتنت۔ دوکین سروک بہ گیشترین تعاون کنگئ سرا تپاک کرتنت۔ سرئ وزیر ھمی وڑا گون ویتنامئ سرئ وزیرا گپ و تران کرتنت۔ واجہ مودی ھمی وڑا گون نیوزلینڈ و جاپانئ سرئ وزیران و برونئ سلطانا دو نیمگین وڑئ گپ و ھبر کنگا انت۔ مروچی بہ منیلائ تھا سرئ وزیر واجہ نریندرا مودی بہ آسیائ روچ دراتئ دوازدھمی دیوانا و ھند- آسیان پانزدھمی دیوانا کوت گرگا انت۔