کُشگانی اشمار بہ عراق و ایرانئ سیمسرئ ڈگار چنڈئ پھدا تہ ۴۵۰ مردمان رستگیت۔ 

ایران گشتگیت کہ مددین آپریشن نون الاس بوتگنت کہ بہ یکشنبہ روچا رندا شہ ایشی کہ یک سَکین ڈگار چنڈئ چُنتی جاگانا چنڈینت و ۴۵۰ مردمانی کُشگئ وج بوت و چُنتی ھزار مردمانا ٹپی کرتگیت بناہ بوتتنت۔ ایرانئ نانگمانین دروائی حذمتئ سروک گشتگیت کہ مددین آپریشن بہ کرمانشاہ ولایتا کہ بہ زگرس کوھانی تھا انت و ایران و عراقئ سیمسر انت الاس بوتگنت۔ سرکارین ٹی وئ تھا رپوٹ داتگ بوتہ کہ چُنتی ھزار مردم کہ شہ وتی جا بی جا بوتتنت بہ کیمپانی تھا دیم داتگ بوتگنت و چُنتی دیگہ شہ گیشترین ڈگار چنڈانی تسر بیگا، پہ دومی وار شپا ڈنا بہ آزاتین ھوا تیر کرتگنت۔  بین الاکوامین کونسلئ سروک سکرٹر جنرل آنتونیو گواترز وتی ناوشنودیا بری دپ دیگئ بھرا و زندانی شہ دست روگا درا کرتگنت۔