14-11-2017

بہ ۲۰۱۴ سالئ نومبرئ ماھ بہ میانمارئ تھا آسیان- ھند دوازدھمی کنفراس و آسیائ روچ دراتئ نھمی دیوانئ تھا سرئ وزیر واجہ نریندرا مودی ایکٹ ایسٹ پالسئ آ بنگیج کرتنت۔ رندا شہ آی بہ آسیان، ھند و مدیترانہ ھندان ھندیی پیما بہ برزین کچانہ دیمرئی کرتگیت۔ بری اھمین فورم تھا سرئ وزیر واجہ نریندرا مودی کمّین کوتئ داشتنت۔ بہ منیلا تھا، بری پانزدھمی ھند- آسیان دیوانا سرئ وزیر واجہ نریندرا مودی ھور گون آسیانئ سربراھان ھندئ گپ و ترانئ شریکداریئ بیست و پنچمی سالروچا و بہ آسیانئ مُچین ھندان شہ ھندیی اھمین پیما یات کرتہ، ۲۰۱۷ سالئ موشکولیانا بناہ کرتنت۔ ھند و آسیان نیاما ۳۰ گپ و ترانئ راھ انت کہ آوانی نیاما پہ شرّیی دیوان تسر بنت و بری آوانی اشمارا، ڈنئ کار، کامرس، سیاحت، کشارگری، ماحولیات، قابل تجدیدین واک و ٹیلی کام انت کہ بہ ھپت وزارتین کچانہ بہ آوانی سرا گپ و تران بیت۔ ڈنئ کارانی ایالتین وزیر جنرال وی کئ سینگ بہ منیلا، فلیپائن تھا بہ ۲۰۱۷ اگسٹ ھند- آسیان و آسیائ روچ دراتئ وزیرانی دیوانان کوت گپتگنت۔ سوداگریی و صنعتئ وزیر واجہ سریش پربھو ھم بہ سپتمبرئ ماھ بہ منیلا تھا، بری آسیانئ وزارتین معشیت و ھندیئ صلاحکارئ تھا کوت گپتگنت و دوکین وزیر بہ وتی دورانی وھدہ، شہ ھندیی تعھدا بہ معاشین تعاونئ استحکامئ گیش کنگا جار جتگنت۔ شہ وزارتئ دپاع نیمگا وزیر دپاع بانوک نرملا سیتا رمن ھم بہ وتی اولی دورہ شہ ڈنئ مُلکان بہ گڈین ماھ، شہ منیلا دورہ کرتنت و بہ آسیانئ دپاع وزیرانی کسانین دیوانئ تھا کوت گپتنت۔ بہ ھما دیوانا آوان شہ ھندیئ پیما بہ دھشت گردیئ حلاپا جار جتنت و گشتنت کہ پہ ای سَکئ گاڑ کنگا بین الاکوامین پلیٹ فارمانی زرورت انت۔ بیدئ نونین دورہ شہ فلیپائن، جمھورین سدرئ کمکار و سرئ وزیر شہ ای مُلکا بہ گڈین سالان دورہ کرتگنت۔ گون ایشی ھندیئ بستگی گون آسیان مُلکان درا بیت۔ و خاسین وڑئ ایش ھند و آسیان مُلکانی نیامئ دیم بہ دیمرئین بستگیانی نشان انت۔ بہ آسیان کنفرانس وھدہ، سرئ وزیر واجہ نریندرا مودی ھمی وڑا گون فلیپائن سرئ وزری واجہ روڈریگو ڈوٹرٹی کہ بری دیوانا کوت گپتتنت دو نیمگین وڑئ گپ و تران کرتنت۔ واجہ مودی ھمی وڑا گون آمریکہ جمھورین سدر واجہ ڈونالڈ ٹرامپ و جاپانئ سرئ وزیر واجہ شینزو آبئ ھم گپ و تران کرتنت