آمریکہ جمھورین سدر واجہ ڈونالڈ ٹرامپ گشتگنت کہ یرشلم اسرائیلی بنجاہ انت و آوان پلان دارنت کہ آمریکہ سفارتئ جاگہ بدل کننت۔

آمریکہ جمھورین سدر واجہ ڈونالڈ ٹرامپ گشتگنت کہ یرشلم اسرائیلی بنجاہ انت و آوان پلان دارنت کہ آمریکہ سفارتئ جاگہ کہ نون بہ تل ابیب تھا انت بری شھرا بدل کننت۔  واجہ ٹرامپ بہ وتی لائیوین ٹلویزیونین بیانئ تھا کہ شہ اسپیتین ماڑئ آ داتنت گشتگنت کہ ای مزنئن گامئ بوتہ کہ دیم شہ ایشی باید گپتگ بوتن مگہ نون تسر بوت۔  آوان ھمی وڑا شہ ڈنئ کارانی وزارتا لوٹوک بوتنت کہ آمریکہ سفارتئ جور کنگا بہ یرشلم تھا بناہ کننت۔ ھمی وڑا واجہ ٹرامپ وتی تعھدا پہ فلسطین و اسرائیلی سَکیانی حل کنگا یک وارئ دیگہ درا کرتنت۔ آوان گشتنت کہ آمریکہ متعھد مانیت کہ پہ ای دو مُلکانی نیامئ سَکیان حلئ راھئ ودی کنت کہ دوکین نیمگ آی را منّگا بنت۔
اسرائیلئ سرئ وزیر واجہ بنجامین نیتن یاھو شہ آمریکہ ای گام گرگا وش گشی کرتگنت۔