07-12-2017

اگہ شہ پاکستانئ حکمرانان سوج بیت کہ پہ چی پاکستان راز رازئ عالمین سَکیانی شکار انت و بہ بین الاکوامین براسداریئ تھا پہ آی شرّینپیمائ نہ منتگیت و شہ آی سرا باور  تہ کچانہ کم بوتگیت کہ ایچ گجام مُلکئ آی سرا باور نہ کنت آوان بیدئ ایشی کہ اینگور یا آنگور سیلکننت آوان یک پسوئ دارنت و آ ھم ایش انت کہ پاکستان گیر مُلکین ایجنسیانی سازشانی شکار انت۔ دیم شہ ایشی آوان تھانکا پکر کرتنت کہآوانی سَکیانی زموار ھند انت مگہ نون شہ چُنت سال دیمترا آ آمریکہ و اوگانستان مُلکانی ناما و ای مُلکانی ایجنسیانی نامانا ھم بہ وتیدشمنانی لیسٹ تھا لیکتگیت۔  مگہ ای ھبرانا تھانکا ھما مُلکئ حکمران دینت۔ ا مُلکئ زانتکار ، آ مردمئ کہ سیاسین وڑئ عقلمند انت، تجزیہکار و آ کئسئ کہ پہ بنیادمین حکانی ساتیتنا کار کننت  دیگہ رازئ پکر و حیال دارنت۔ ھما مُلکئ تھا سیاسین قیادت نہ انت و پوجین قیادت انتو رازئ کہ مدرا انت سیاسین قیادت باید انت ھما کارانا کنت و یا ھما چیزانا گوشیت کہ ھما مُلکئ پوجین ایسٹبلیشمنت لوٹوک انت۔ رازئ کہشُما ھمی وھدان دیستگئیت، وھدہ کہ سرکار لوٹوک بوت کہ اسلام آبادیئ شھرا شہ تحریک لبیک احتجاج کنوکان خالی کنت، پوج بہ ایشی جاگون سرئ وزیرا گیند و نیند کرت و آی را مجبور کرت کہ تحریک لبیک یا رسول اللہ لوٹگانا منّگا بیت۔ بری لوٹگانی تھا دپائین وزیرئ یکنیمگ بیگ شہ آی ملازمتا ھم ھور ات۔ نونین وھدان بہ پاکستانئ ھالانی تھا ھمی ھبر رادگ انت کہ گون پوجئ مددا تحریک لبیکئ سروکیک سیاسین چوفانئ را براہ پرینتگنت کہ یک مزنئن سَکئ را جور کنگا انت۔ اسلام آبادیئ مزنئن محکمہ یک قاضئ ھم پوجئ مزنئن روئدارگا تنقید کرتگنت و گشتگنت کہ ای کار گیرکانونئ بوتہ و یک سوجئ را دیما کرتگنت کہ کئ شہ پوجین اپسران لوٹوک بوتہ کہ ثالثین رولادا کننت۔

ای ھبر درا انت کہ مُچین کارنامہ آنا ای مُلکئ پوج و دھشت گردین ڈل تسر کننت۔ کامران یوسف ھم ھمی نتیجہ گپتگیت کہ پاکستانئ تباھیوج و آ کئسئ کہ ای مُلکا گون سَکیان دیم پہ دیم کننت گمی حلقہ انت کہ ھر وھدہ ھمی رازئ تماشا جور کننت و ای مُلکئ جمھوریتا گونسَکیان دیم پہ دیم کننت۔ ھور گون کامران یوسف دیگہ مردم ھم استنت کہ ھمی رازئ پکر و حیال دارنت۔ تحریکئ انصافیی گلئ یک ممتازینرھنما شیرین مزاریی ورنائین جینکئ بہ ایمان مزاریئ ناما بہ پاکستانئ پوجئ حلاپا سَکین وڑئ احتجاج کرتگیت۔