پوجئ سروک گشتگیت کہ بہ ھند و چینئ پوجانی نیاما ھاٹ لائن بہ زوترین وھدہ جور بیت۔ 

پوجئ سروک جنرال بیپین راوت گشتگنت کہ بہ ھند و چینئ پوجانی نیاما بہ زوترین وھدہ یک ھاٹ لائنئ جور بیگا انت۔ نوکین دھلئ تھا آوان بہ وتی پرس کنفرانس بیانئ تھا گشتنت کہ ھند و چین لوٹوک انت کہ بہ زوترین وھدہ بہ ھندیی پوجین آپریشنانی جنرل ڈائیرکٹر و آی چینین ھم منصبئ نیاما یک ھاٹ لائنئ جور کننت۔  ای وڑئ ھاٹ لائن پہ چُنتی سَکیانی دیمگیریا کٹوک انت۔ بہ نونین وھدہ ھند و پاکستان بہ وتی پوجین آپریشنانی جنرل ڈائیرکٹرانی نیاما ھاٹ لائن دارنت۔ جنرال راوت ھمی وڑا گشتنت کہ کشمیری تھا دھشت گردیی تہ نون الاس نہ بوتگیت و بری سالا بہ کچمیری برزئ ھندان غور بیت۔ آوان ھمی وڑا گشتنر کہ پوج پہ سائبر امنیتا ھم کوشست کنت۔