آمریکہ و جالئ کوریا تپاک کرتگنت کہ وتی ڈپلوماٹیکن موشکولیانا گون برزئ کوریا دیمرئی دینت۔ 

 

آمریکہ و جالئ کوریا تپاک کرتگنت کہ وتی ڈپلوماٹیکن موشکولیانا گون برزئ کوریا دیمرئی دینت۔ رازئ کہ جمھورین سدرئ کمکار واجہ مایک پنس گشتگنت، کہ گون ایشی راستامین وڑئ گون واشینگتن دیوان کرتگ کنت بیدئ گجام شرطئ۔ واجہ پنس رندا شہ ایشی کہ شہ زمستانین المپیک لئیبان شہ جالئ کوریا برگشتنت بہ گپ و ھبران گون واشینگتن پوست گشتنت کہ ٹرامپ انتظامیہ وتی گیشترکین فشارئ کمپاینا بہ پیونگیانگ حلاپا رادگ ساتیت مگہ ھمی وڑا تیار انت کہ بہ گپ و تران و دیوان کنگا گون آی نندیت۔ شہ گڈین چُنتی ماھان بہ سئول، پیونگیانگ و واشینگتن نیاما تالی و شوری بہ نیاما آتگیت رندا شہ ایشی کہ برزئ کوریا وتی نیوکلیائین پروگرامانا رادگ ساتتگیت و ھمی وڑا شہ بین الاکوامین کونسلئ نیمگا آی سرا چُنتی تحریم پرینتگ بوتگیت۔