بہ شری لنکا آیوکین وھدہ متحدین سرکارئ سرا بہ جمھورین سدر سریسینا و سرئ وزیر ویکرمسینگہ نیاما توپیر ودی بوتگیت۔ 

بہ شری لنکا آیوکین وھدہ متحدین سرکارئ سرا بہ جمھورین سدر واجہ مئیتریپالا سریسینا و سرئ وزیر رانیل ویکرمسینگہ نیاما توپیر ودی بوتگیت۔ رازئ کہ رپوٹ رستگیت جمھورین سدر شہ سرئ وزیرا لوٹوک بوتگنت کہ رندا شہ متحدین سرکارئ متحدین کومین حزب “یو ان پی” بی سوبین نتائجان یک نیمگ بنت۔ جمھورین سدر ھمی وڑا یک بیانئ شینک کرتگنت کہ گون یو ان پی بہ ایچ وڑئ آیوکین وھدہ سیاسین موشکولیانی سرا تپاک نہ بوتگیت۔ بہ ھمی وھدہ “یو ان پی” چُنتی باسک بہ کوشستان انت کہ نوکین سرکارئ جور کننت و شہ شری لنکا آزاتئ گل “اس ال اف پی” کہ شہ جمھورین سدرئ نیمگا سروکی بیت آ وتی راھانا جیتا کننت۔ بہ دوصد و بیست و پنچ مردمین پارلیمنٹ تھا، “یو ان پی” ۱۰۴ باسک داریت۔