دپاع وزیر گشتگیت کہ لائن آف کنٹرلئ سرا سیمین امنیت سَکتر بوتگیت۔ 


دپاع وزیر بانوک نیمرلا سیتھرمن گشتگنت کہ پاکستان پہ نیمہ داری شہ دراندازیا بہ جمو و کشمیرئ تھا شہ جنگبندیا پھد بہ پھدین وڑئ حلاپ کنت۔ بہ گپ و ھبران گون احوالکاران آوان گشتنت کہ مرکزین سرکار نوکین گام گرگا انت کہ گون الکٹرونیکین سیسٹم مددا سیمین ھندانا چمّئ چیرا داشتگ بیت کہ شہ دراندازیان دیمگیری بوتگ کنت۔ رندا شہ سونجوان ھلگرا، دپاع وزیر بہ دوشنبہ روچا جمو تھا اتنت و امنیتین حالاتانا بہ ایالتئ تھا پٹ و پولئ چیرا داشتنت۔ بانوک سیتھرمن گشتنت کہ اسلام آباد وتی دھشت گردیئ آرکا بہ پیر پنجال کہ جمو جالئ ھندان انت دیمرئی داتگیت۔ آوان گشتنت سرئ آی دراندازئ دپ دیگ بہ سیمسرئ سرا بہ برزین کچانہ کم بوتگنت۔ آوان ھمی وڑا گشتنت کہ بہ لائن آف کنٹرلئ سرا امنیت گیشترین وڑئ سَک بوتگیت۔