سرئ وزیر واجہ نریندر مودی رندا شہ فلسطین، یو اے ای و عمان دورہ کنگا ھند برگشتگنت۔ 

سرئ وزیر واجہ نریندر مودی رندا شہ سہ مُلکین دورہ تسر کنگا بہ ھند برگشتگنت، کہ بری دورہ تھا شہ فلسطین، عمان و یو اے ای دورہ کرتگنت۔ آوان پہ اولی وار شہ عمان دورہ کرتنت و شہ فلسطین مُلکا بہ ۳۰ سالئ تھا اولی وار یک ھندین سرئ وزیرئ دورہ کرتگیت۔ آل اینڈیا ریڈیوئ احوالکار ھال داتگیت کہ رندا شہ ای دورہ گون ای مُلکان ھندیی بستگی گیشترین وڑئ سَک و مستحکم بنت۔  سرئ وزیر گشتنت کہ آوانی دورہ شہ عمان، ھند و آ مُلکئ نیامئ کدیمین بستگیانا کہ شہ چُنتی قرن دیمترا بوتگنت شہ سر نوک کرتگیت و ھمی وڑا مدد کنت کہ بہ مُچین ھندان خاسین وڑئ سرمایہ کاری و سوداگرئ بھرا دوکین مُلکانی نیاما بستگی سَکتر بنت۔ بہ یو اے ای تھا سرئ وزیر واجہ نریندر مودی ھور گون پاچا محمد بن زیدالنھیان وتی تعھدا یک وارئ دیگہ پہ دو نیمگین اسٹراٹجیکین بستگیانی دیمرئیا درا کرتنت۔