۲۳۰۰ پرسونل شہ ھندی پوجا بہ بین الاکوامین کونسلئ امن و امانئ مشن تھا بہ جالئ سودان دیم داتگ بنت۔ 

 
کم شہ کم ۲۳۰۰ پرسونل شہ ھندی پوجا دیم بہ جالئ سودان رونت کہ بہ بین الاکوامین کونسلئ امن و امانئ مشنا بہ ای آپریکائین جنگ جتگین مُلکئ تھا کوت گرنت۔ پوجئ گوشوک کرنل آمان آنند گشتگنت کہ ھندین پوج شہ وتی کوتا ۲۳۰۰ پرسونل مدد دیما کرتگیت کہ بہ آپریکائین جالئ سودان مُلکئ امن و امانئ کوشستانی تھا کوت گرنت۔ شہ رسمین اشمارانی دیما ھند بہ برزترین کچانہ بہ بین الاکوامین کونسلئ امن و امانئ مشنانی تھا کوت گیت کہ تہ نون بہ گڈین ۶۰ سالئ تھا بہ بین الاکوامین کونسلئ پنجاہ مشنان شہ پورہ ئن ھپتاد و یک مشنان ۲۰۰۰۰۰۰ پوجی دیم داتگیت۔ و ھمی وڑا بہ نونین ۱۶ مشن تھا بہ ۱۳ تھا کوت داریت۔