برزئ کوریا وتی دیوانا گون جالئ کوریا کنسل کرتگیت۔ 

بہ سیئول شریکین پوجین تمریناتان گون آمریکہ پھدا برزئ کوریا وتی دیوانا کہ گون جالئ کوریا بہ مروچین روچا تسر بیگا ات کنسل کرت۔ جمعہ روچا ۱۰۰ آمریکائین و جالئ کوریائین جنگین جھاز ماکس ٹھنڈرئ تمریناتانا بناہ کرتنت۔ برزئ کوریا رسمین ھالانی ایجنسی کئ سی ان آ ھال داتگیت کہ ای تمرینات یک تحریک کنوکین گامئ بوتگنت و یا پہ دراندازیا آمادگی گرنت۔ بہ مروچین دیوانئ تسر بیگئ سرا گڈین ھپتگا فیصلہ بوتت و ای دیوان بہ دو مُکانی نیامئ یک پوجین کمپاونڈ تھا تسر بیگا اتنت۔ پیونگیانگ ھمی وڑا اخطار داتگیت کہ آ کرتگ کنت کہ وتی سربراہ کیم جونگ یون و آمریکہ جمھورین سدر ڈونالڈ ٹرامپئ نیامئ دیوانا کہ بہ آیوکین ماھ ۱۲ تاریخا تسر بیگا انت آ کنسل کنت۔ آمریکہ و جالئ کوریا ھر وھدہ ای ھبرئ سرا سَک بوتگنت کہ ای پوجین تمرینات تھانکا پہ دپاع مستحکم کنگا انت و دیگہ ایچ گجام مکسدئ نہ دارنت۔