سیاسین موشکولی بہ کرناٹکا تھا گیش بوتگنت۔ 

رندا شہ ایشی کہ گیچئن کارئ کمشن بہ زیئن روچا کرناٹکائ اسمبلی گیچئن کاریانی نتائجانا درا کرت و ایچ گجام گلئ گیشترکین ووٹانا بہ دست آورتگ نہ کرتہ شہ ای وجا بہ ای ایالتئ تھا سیاسین موشکولی گیش بوتگنت۔ بی جئ پی، کنگرس و جئ ڈی گل یک دیوانئ مروچی تنظیم کرتگنت کہ یکجا وتی نوکین سربراھانا گیچئن کننت۔ بی جئ پی تھانکا گل انت کہ شہ ۲۲۲ سیٹان ۱۰۴ سیٹانی سوبین بوتگیت۔ کہ پہ آوان بہ شنبہ روچا گیچئن کاری تسر بوتتت۔ مگہ آ کرتگ نہ کرت کہ ۱۱۳ سیٹان گیت و وتی سرکارا بہ ای ایالتئ تھا جور کرتگ کنت۔ دوکین گل کنگرس و جئ ڈی لوٹوک انت کہ یکجا گون اتحاد وتی سرکارا بہ کرناٹکا تھا جور کننت۔ بی جئ پی سربراہ واجہ بی اس ایدیوراپا گشتگنت کہ بی جئ پی گیشترکین سیٹانا بہ دست آورگیت و پہ آی باید انت کہ وھدہ داتگ بیت کہ وتی کارا ثابت کنت۔ کنگرس سربراہ راھول گاندھی ھمی وڑا پہ مردمان پہ آوانی نیمہ داریا شکریہ گشتگیت۔