چین بہ آمریکہ و برزئ کوریائ سرا توار کرتگیت کہ وتی کیم – ٹرامپ دیوانا تسر کننت۔ 

رندا شہ ایشی کہ پیونگیانگ اخطار دات کہ آ وتی آیوکین دیوانا کہ دیم شہ دیم بہ برزئ کوریائ سربراہ کیم جونگ یون و آمریکہ جمھورین سدر واجہ ڈونالڈ ٹرامپ نیاما تسر بیگا ات کنسل کنت، چین بہ آمریکہ و برزئ کوریائ سرا توار کرتگیت کہ ای کیم – ٹرامپ دیوانا تسر کننت۔ برزئ کوریا ھمی وڑا شہ چارشنبہ روچئ دیوانان کہ گون سئیول پلان بوتنت ھم وترا یک نیمگ کرت و گشتگیت کہ آمریکہ و جالئ کوریائ پوجین تمرینات ای فیصلہ وج بوتگنت۔ ھمی وھدہ اسپیتین ماڑی گشتگیت کہ آ وتی تیاریانا پہ ای دو سروکانی دیوانا کہ بہ آیوکین ماھ ۱۲ تاریخا تسر بیگا انت آ رادگ ساتیت و پیونگیانگ اخطارا جدی نہ گیت۔