کابینہ وتی اکس پوسٹ فیکٹو اجازتا پہ چُنتی معاھدانی دستخت کنگا بہ ھند و دیگہ مُلکانی نیاما داتگیت۔

مرکزین کابینہ کہ سرئ وزیر واجہ نریندر مودی شہ آی سروکی کرتنت وتی اکس پوسٹ فیکٹو اجازتا پہ چُنتی معاھدانی دستخت کنگا کہ بہ کانونین تعاونئ بھرا بہ مروکو و ھندیی نیاما دستخت بیگا اتنت دیما کرتگیت۔ رندا شہ ای معاھدانی دستخت بیگا، وکیل، کانونین اپسر و کانونئ تعلیم گروک کرتگ کننت کہ وتی سَکیانا بہ سمینار، و ورکشاپانی تھا کہ شہ دوکین مُلکانی زموارانی نیمگا تسر بنت گون یکئ آ دیگرا شریک کننت۔ کابینہ ھمی وڑا پہ یک تعاونئ معاھدہ دستخت بیگا بہ ھند و مروکوئ نیاما بہ مایننگ جیولوجی بھرا وتی اکس پوسٹ فیکٹو اجازتا داتگیت۔ ای معاھدہ بہ ھمی سالئ آپریل ماھ یازدھمی روچا دستخت بوتگیت۔ کابینہ ھمی وڑا وتی اکس پوسٹ فیکٹو اجازاتا پہ دستخت بوتگین معاھدان کہ بہ ھند و سویتزرلینڈ نیاما بہ دروائی و دوا بھرا دستخت بوتگنت ھم دیما کرتگیت۔ ای معاھدہ بہ ھمی سالئ آپریل ماھ نھمی روچا دسخت بوتگیت۔