کیم گشتگیت کہ نیکولیائین واکئ یک نیمگ کنگ بہ آنتاگونیسم یک نیمگ کنگئ سرا پابند انت۔

برزئ کوریائ سربراہ کیم جونگ یون گشتگیت کہ اٹمین سلیحانی یک نیمگ کنگ شہ برزئ کوریا بہ آمریکہ و برزئ کوریائ نیامئ آنتاگونیسمئ گار کنگئ سرا پابند انت۔ برزئ کوریائ کومین میڈیا شہ کیم نیمگا کشتگیت کہ اگہ مُچی لوٹوک انت کہ بہ پنینسولا تھا امن و امان رادگ مانیت باید انت کہ دوکین مُلک یکئ آ دیگرئ نیاما آنتاگونیسم آ شہ نیاما زورنت۔ کومین ھالانی ایجنسی کئ سی ان آ گشتگیت کہ گون زیئن روچئ تاریخین دیوانا بہ کیم و آمریکہ جمھورین سدرئ نیاما دوکین مُلکانی نیامئ گندگین بستگیانا بہ شرّین ھندان برتگیت۔ ای ایجنسی ھمی وڑا ھال داتگیت کہ کیم شہ جمھورین سدر ڈونالڈ ٹرامپ لوٹوک بوتگنت کہ ھر وھدہ کہ پہ آوان آسان ات شہ پیونگیانگ دورہ کننت و ھمی وڑا آمریکہ جمھورین سدر شہ کیم لوٹوک بوتگنت کہ شہ آمریکہ دورہ کننت۔ دوکین مُلکئ یکئ آ دیگرئ دعوتانا منتگنت۔