ھند شہ برزئ کوریا و آمریکہ دیوانا وش آتگی کرتگیت و گشتگیت کہ یک شرّین دیمرئی انت۔

ھند شہ آمریکہ و برزئ کوریائ دیوانا بہ سینگاپور تھا وش آتگی کرتگیت۔ سہ شنبہ روچا بہ یک بیانئ تھا ڈنئ کارانی وزارت گشتگیت کہ ای یک مثبت و شرّین دیمرئی انت و ھند ھر وھدہ شہ ای ھبرا نیمہ داری کرتگیت کہ شہ دیوان و گپ و تران و ڈیپلوماسی راھ بہ کوریائین شبہ جزیرہ تھا امن و امانا اورتگ بیت۔ ھند امیت درا کرتگیت کہ ای دیوانئ رندا ھما چیزانی سرا کہ فیصلہ بیت آ تسر بنت و راھ پہ مستحکمین امن و امانا بہ سیمانی تھا پاچ کنت۔ دیم شہ ایشی بہ سہ شنبہ روچا آمریکہ فیصلہ کرتگیت کہ اگہ پیونگیانگ ھما وڑئ کہ تعھد کرتگیت کوریائین شبہ جزیرہ شہ نیوکلیائین واکا اورک کنت آمریکہ پہ برزئ کوریا امنیتئ گرانٹیا دنت۔ ھمی وھدان جالئ کوریا کیم و ٹرامپ نیامئ ای دیوانا یک تاریخین دیوانئ گشتگنت۔