ھِند آ کشمیر آ مڑدمی حق آنی حالت چکا اقوام متحدہ اۓ رپورت آ رد کھُزا او رپورت ٹھائینغ اۓ مقصد چکا سوال کھڑو کھُزئی

ھِند آ کشمیر آ مڑدمی حق آنی حالت چکا اقوام متحدہ اۓ ہائی کمشنر براۓ مڑدمی حق آنی دفتر اۓ رپورت آ رد کھُزا ۔ڈن اۓ وزارت اۓ نمائیندگ آ حوال کانر آنی یک سوال اۓ جواب داسؤ گوشتا کہ اے گمراہ کھنوخ ایں رپورت ایں او آنہی آ ہمیں وڑ اۓ رپورت اۓ ٹھائینغ چکا سوال کھڑو کھُزا ۔نمائیندگ آ گوشتا کہ مسودہ آ دروغی ایں زانتکاری داسی آ شُزا،ہمائی آ غلط پیرا آنژ کار گِتی آ شُزا۔آنہی آ گوشتا کہ اے رپورت ھِند اۓ اعلی ایں سروکی او جاگاہی سالمیت اۓ حالف ورزی کھنت۔آنہی آ گوشتا کہ جموں کشمیر ھِند اۓ یک مضبوط ایں بہر ایں او پاکستان آ ھِند اۓ ریاست اۓ ہماں بہر چکا غیر قانونی او جبر آگو قوضہ کھُزؤ ایر کھُزا۔ھِند اۓ سرڈغار اۓ بارو آ ہمیں رپورت آ ہماں دی ڈسسی آ شُزا آں قبول کھنغ اۓ لائیق نعینت۔ڈن اۓ وزارت آ گوشتا کہ ھِند آ اقوام متحدہ مڑدی حق آنی ہائی کمشنر اۓ دفتر آ وتی سخت ایں احتجاج درج کھنائینتھا او وتی ویچار پدھر کھُزئی۔