بلوچی موزیک

بلوچی موزیک شہ فارسین موزیکئ بن آ ودی بوتگیت و بہ گڈین چُنت سالئ تھا بہ برزین کچانہ اھم بوتہ و دیمرئی کرتگیت۔ ای موزیک ھما ساز و شعر انت کہ بلوچستانئ مردم بہ سیستان و بلوچستان ایران و بلوچستان ولایت بہ پاکستان و بلوچین مردم بہ اوگانستانئ تھا یات دارنت۔ بلوچی موزیک پہ آی مستین ساز و توارا دروست بیت۔ شہ چُنتی سنتین موزیکئ آلہ بہ بلوچی موزیک جور کنگا کٹ گپتگ بیت، کہ ھما مُچین ھر گجام بہ وتی رازا بہ بلوچی موزیکئ جوانی آ کوت دنت۔ سنتین وڑئ بلوچی موزیک بہ براھویی و بلوچی زوانان شینک بیت۔
یک اھمین وجئ کہ بہ پاکستانئ ولایت بلوچستان تھا بلوچی موزیک بہ برزین کچانہ اھمیتئ وڑ انت و منتگ بیت ایش انت کہ آ شہ بلوچی موزیک راھ بلوچی دود و ربیدگ و وراثتا دیمرئی دینت و گیشترین مردم بہ آوانی باروا سی بنت و آوانا دروست کننت۔ بلوچئ موزیکئ ساز و سامان ھم ھما انت کہ بہ بیست و یکمی قرن تھا جور بوتگنت۔ یک سویڈنین فولک باند بہ گلبنگ ناما بلوچئ موزیکا بہ روکپتئ مُلکانی تھا دیمرئی داتگیت۔
ھما موزیکئ کہ ما ای روچان گوش دارگا بنت ھر گجام شہ یکئ آ دیگرا توپیر دارنت۔ و ای توپیرئ وج ایش انت کہ بلوچستانئ مھلوک شہ وتی جاگان دور انت و شہ یکئ آ دیگرا جیتا انت۔ یک وجئ دیگہ ایش انت کہ بلوچستان بہ پاکستانئ تھا شہ پاکستانئ موزیک و ھندین موزیکا ھم متاثر بوتگیت۔
شہ دیرین و گڈین وھدہ بلوچستانئ مردم گون ھندین مھلوکان نزیکین سنگٹی و سماجین بستگی داشتگنت۔ و یک وجئ ایش انت کہ بلوچستان شہ ایرانئ بلوچستانا دور بوتہ و بہ ھندین نیمگا نزیکتر بوتہ و شہ ھمی وجا بلوچستان بہ پاکستانئ تھا و بلوچستان بہ ایران تھا یک وڑئ موزیک و شعر نہ انت۔