برطانیہ سرکار وتی پوجیانی کچانہ بہ اوگانستانئ تھا دو برابیر کنگا انت۔ 

 
رندا شہ ایشی کہ جمھورین سدر ڈونالڈ ٹرامپ شہ برطانیہ لوٹوک بوتنت کہ گیشترین پوج بہ اوگانستان دیم دنت کہ آ کرتگ کننت گون گندگین امنیتین حالاتان بہ آ مُلکئ تھا مقابلہ کننت، برطانیہ جار جتگیت کہ آ وتی پوجیانی کچانہ بہ اوگانستانئ تھا کم شہ کم دو برابیر کنگا انت۔ سرئ وزیر بانوک ٹرئیسا مئ جار جتنت کہ سرکار ۴۴۰ پوجی بہ اوگانستان دیم دنت و گون ایشان برطانیہ پورہ ئن پوجی بہ اوگانستانئ تھا ۱۱۰۰ بنت کہ بہ اوگانستانئ تھا گون طالب و اسلامین سرکارا جنگ کننت۔ ای پوجی بہ کابل تھا ملازم بنت و پہ اوگانستانئ پوجیان ٹرئینینگ دینت آوان بہ جنگئ تھا کوت نہ گرنت۔ برطانیہ پوجی شہ ۲۰۱۴ سالا اینگور بہ گجام جنگئ تھا کوت نہ گرنت۔