13.07.2018

بہ ھندیی باروا یک اھمین ھالئ بہ دستا رستگیت۔ عالمی بینک بہ مُچین مُلکانی اکتسادئ باروا نوکین اعداد و اشمار دیما کرتگنت و شہ آوانی دیما ھندیی اکتساد فرانسئ اکتسادا پھدا اشتگیت و عالمین وڑئ ششمی مزنتری اکتساد بہ دنیا تھا بوتگیت۔ شہ عالمی بینکئ رپوٹانی دیما، بہ ۲۰۱۷ تہ ۲۰۱۸ سال تھا ھندیی پورہ ئن گیسویین سوداگریانی کچانہ بہ دو اعشاریہ پنچ نو ٹریلین ڈالرئ کچانہ بوتگیت وھدہ کہ فرانس پورہ ئن گیسویین سوداگرئ کچانہ بہ پنچ ھشت ٹریلین ڈالرئ کچانہ بوتگیت۔ ای توپیر گجام مزنئن توپیرئ نہ انت مگہ ھندوستانئ دیم بہ دیمرئین اکتسادئ تیزی و رفتارا سیل کرتہ امیت درا بیت کہ بہ آیوکین وھدان ھندیی گیسویین سوداگرئ کچانہ دیگہ ھم گیش بیگا انت۔
 
ای ھبرئ سرا باید انت کہ غور بیت بہ مارچ ۲۰۱۸ تسر بوتگین سہ ماھ وھدہ کہ شہ جنورئ تہ مارچ انت ھندوستانئ اکتسادئ دیمرئی کچانہ ھپت اعشاریہ ھپت فیسد بوتگیت کہ بہ گڈین ھپت سہ ماھانی دورہ شہ مُچان گیشتر بوتگیت۔ نون ای امیت درا بیت کہ ھما راز کہ ھند فرانس مُلکا کہ آی اکتسادین جی ڈی پی بہ دو اعشاریہ پنچ ھشت ٹریلین ڈالرئ کچانہ بوتہ پھدا اشتگیت ھمی راز وتی نزیکین رقیب آ کہ برطانیہ انت و آئ اکتسادین جی ڈی پی دو اعشاریہ شش دو ٹریلین ڈالرئ کچانہ انت آ ھم پھدا کنت کہ بہ ھندوستانئ اکتسادئ دیما تھانکا ۲۵ ارب ڈالرئ توپیر انت۔
 
نون ھمی راز ای ھبر وتی جاگہ مسلم انت کہ جی ۷ و یا ھپت مُلکانی گروپ عالمین وڑئ دنیائ زردارترین مُلکانی ڈلئ ناما داریت، نون ای گروپئ سہ مُلک یعنی کہ فرانس، کاناڈا و اٹلی شہ ھندوستان پھدا انت و ای ھبرئ امکان ھم انت کہ بہ زوترین وھدہ ھندوستان ای ڈلئ دیگہ چار مُلکانا ھم پھدا کنت۔ ھندوستان شہ دیگہ مُلکان چو برازیل و روسیہ ھم دیما نظر کائیت۔
 
ای ھبرئ تھا گجام شکئ نہ انت کہ فرانس و ھندوستانئ آبادیانی توپیر مئ فی کس آمدنی بہ فرانس دیما کم انت مگہ اھمین ھبر ایش انت کہ ھور گون مُچین سَکیانی مقابلہ کنگا مروچی ھندوستان فرانس آ پھدا کرتگیت و بہ ای مُچین سَکیانی تھا بنیاد ھم ھور بوتگیت۔ اھمین ھبر ایش انت کہ سرئ ایشی کہ ھندیی بنیادین اکتساد کم واک بوتگیت ھندوستان مروچی بہ دنیائ تھا ششمی مزنتری اکتسادا داریت کہ آی معنا ایش انت کہ مروچی ھم ھندیی اکتسادین بنیاد باز کم واک نہ انت و اکتسادانی معمولین زانتکار ھم ای ھبرا سرپھد انت کہ گجام مُلکئ اکتسادین بنیاد وھدہ کہ مستحکم بیت آئ دیمرئی کچانہ گیشتر بیت۔ بہ ھندوستانئ باروا ما مروچی ھم گشتگ کننت کہ ھند نون یک مُلکئ انت کہ آی تھا آمدنی کم انت، قوت خرید ھم کم انت، سرمایہ کاری ھم کم انت و بی وسین مردمانی کچانہ باز انت مگہ نون ھندوستان شہ ای سَکیان تیر بیت و بہ آیوکین وھدہ آئ اکتسادین جی ڈی پی دیمرئی کنت و ای مُچین سَکی شہ دیما زورتگ بنت۔
 
ای ھبر راست انت کہ نون ھم ھندوستانئ شھروندانی اوسط قوت خرید شہ فرانس و برطانیہ شھروندان کم انت و ایشی وج تھانکا مردمانی بازی نہ انت بلکہ گرانی ھم استیت۔ مگہ بنیادین ھبر ایش انت کہ اگہ شہ جی ڈی پئ راھ ھندیی بنیادین اکتساد مستحکم بیت بہ دیگہ سَکیانی باروا شرّین وڑئ غور کرتگ کننت۔ دومی اھمین ھبر ایش انت کہ بہ آبادئ سرا کنٹرل بیت و بہ شھروندانی نیاما سماجین شعور و تعلیم گیش بیت و ھمانکس کہ ای تعلیم و شعور گیش بیت بہ ھما کچانہ بہ آبادئ صورتحال سرا اثر اشتگ کنت۔ وھدہ کہ گجام خاندان