پاکستان : بہ گیچئن کارئ دو ترکگان کم شہ کم ۱۳۳ مردم کشتگ و ۲۰۰ دیگہ ٹپی بوتگنت۔

بہ پاکستان تھا، دیم شہ ۲۵ جولائ گیچئن کاریان بہ دو جیتائین ھلگران کہ بہ سیاسین ریلے آنی سرا تسر بوتہ کم شہ کم ۱۳۳ مردم کشتگ بوتگنت و ۲۰۰ دیگہ ٹپی بوتگنت۔ زیئن روچا شورش پسند بہ بلوچستانئ ولایتئ تھا بہ مستونگ سیمان بلوچستان عوامی پارٹئ سربراہ سیراج ریزنی آ نشان گپتنت و بہ ھمی دپ دیگئ تھا ۱۲۸ مردم وتی زندا شہ دست داتگنت۔ ولایتین گیسویین کارانی وزیر واجہ عمر بنگالزئ گشتگنت کہ بری ھلگرئ تھا ۲۰۰ مردم ٹپی بوتگنت و بہ کویٹہ ھسپٹالانی تھا بہ تداوئ چیرا انت۔ اسلامین سرکارئ دھشت گردین ڈل ای ھلگرئ ذمہ زورتگیت۔ بہ متحدہ مجلس عملئ سربراہ اکرم خان دورانئ ریلے سرا ھم ھلگر بوت و بری ھلگرئ تھا کم شہ کم پنچ مردم کشتگ بوتگنت و ۳۷ مردم ٹپی بوتگنت۔ ای ھلگر بہ خیبرپختونخواہ سیمان تسر بوتگیت۔