14-07-2018

پاکستان تھا نون گیچئن کائ کمپاین رادگ انت۔ بہ جولائ بیست و پنچمی تاریخا
مردم ووٹ دینت و اگہ گجام نانگمانین دپ دیگئ تسر مہ بیت پاکستانئ تاریخئ تھا
پہ دومی وار یک گیچئن بوتگین حکومتئ دیگہ گیچئن بوتگین حکومتئ را واکا دنت۔
دیم شہ ایشی بہ ۲۰۱۳ سالا اولی وار ای راز بوتگیت۔ مگہ بہ گیچئن کارئ کمپاین
وھدہ کاروائی شرّین وڑئ رادگ نہ انت۔ خاسین وڑئ پہ جمھوریتا حالات شرّ نہ انت۔
دیم شہ ایشی کہ بہ گیچین کاریانی باروا گجام جارئ جتگ بیت سیاست حالاتانا یک
وڑئ رنگئ داتگیت کہ تہ نون ھم منتہ۔ گڈین سرئ وزیر واجہ نواز شریف کہ پاکستان
مسلم لیگئ سربراہ اتنت و یک گیچئن بوتگین سرئ وزیرئ اتنت بہ بدعنوانئ مقدمہ
وجا اول سرا شہ وتی سرئ وزیرئ پیما یک نیمگ بوتنت و رندا شہ گلئ سروکیا یک
نیمگ بوتنت و بہ گیچئن کاریانی تھا کوت گرگئ سرا ھم آوانی سرا چُنتی وڑئ
پابندی پرینتگ بوتنت۔ مگہ ھبر ھمی جاگہ الاس نہ بوت۔
سرئ محکمہ یک احتسابئ عدالتئ موشکول بوت و بہ لندن تھا جائدادئ جور کنگئ
الزامئ سرا پہ نواز شریف ۱۰ سال زندان و پہ آوانی جینیک مریم نواز آ ھپت سال
زندانئ حکمئ دات۔ بہ بدعنوانئ الزامانی سرا صداقت یا عدم صداقت قطع نظر نونین
حالات پہ پاکستانئ جمھوریتا شرّ نہ انت۔ اصلین ھبر ایش انت کہ بہ ای مُلکئ تھا
ایچ وھدہ نہ بوتہ کہ جمھوریت دیمرئی کنت۔ شہ اسٹبلیشمنٹ و پوجئ نیمگا دھشت
گردیی دیمرئی داتگ بوت کہ شہ آی وجا چُنتی دھشت گردین ڈل ودی بوتنت۔ پوجئ رویہ
شہ دیمترا ھم گون ای دھشت گردین ڈلان ھمدردانہ بوتہ، و نون ھم استیت۔ پہ دھشت
گردین مالین مددانی اوشتارینگا یک قائمین عالمین دپترئ بہ فائنینشیل ایکشن
ٹاسک فورس نیمگا پاکستان بہ گرئ لسٹ تھا شامل بوت و سرئ ایشی کہ ای خطر موجود
انت کہ آی سرا شاید پابندی عاید بیت مگہ باز ھم دھشت گردین ڈل و جماعت آزاتین
وڑئ گردنت و پوجئ رویہ گون آوان چو دیمترئ وھدان انت۔

ای راز احساس بیت کہ پہ جمھوریتئ تباہ کنگا عدلیہ و پوج یکجا بوتگنت۔ عدلیہ
دیمترا ھم پہ پوجا کار کرت۔ ھمی وج انت کہ نون بہ عدلیہ چیف چسٹس ثاقب نثارئ
گیرجانبدارانئ سرا شک و شبہ اظھار بیت۔ بہ نواز شریفی یک نیمگ کنگا شہ سیاستئ
منظرنامہ ھما سیاست کار و عناصر ھم کوت دارنت کہ شہ آوانی حکومتا وشھال نہ
اتنت و لوٹوک اتنت کہ آ شہ واکا یک نیمگ بنت۔ نونین وھدہ سرئ ایشی کہ گیچئن
کاریانی کمپاین رادگ انت مگہ گجام جوش خروش یا گجام ولولہ چما نہ کائیت کہ
عامین وڑئ بہ گیچئن کاریانی وھدہ باید انت کہ چما بیائیت۔ ای حالاتانی چُنتی
وج انت۔ نونین وھدہ بہ مُلکئ تھا تروس و لرزئ ماحول انت۔ مردم کشتگ و جیئنتگ
بنت۔ عوامی کومین پارٹئ سربرا ھارون بلور ھم بہ یک ھلگرئ تھا کشتگ بوتگیت۔ دیم
شہ ایشی ھماوانی خاندانئ دیگہ سیاست دانئ قتل ھم بوتگیت۔

ای مُچین دپ دیگئ دیم بہ ای ھبرا اشارہ کننت کہ ھما سیاستئ کہ نام نہاد اسلامی
لائن اختیار کننت و پوجی تابعداری کنگا تیار نہ انت آوانا منظمین وڑئ نشان
گرنت۔ شہ ایشی کہ دھشت گردین ڈل بہ مین اسٹریم سیاست تھا داخل بوتگنت ھم تروس
و لرز گیش بوتگیت۔ تحریک لبیک پاکستان شہ سہ مین اسٹریم سیاستان رندا شہ مُچان
گیشتر نمایندگ دیما کرتگیت کہ بہ ۱۵۰ مردمئ کچانہ انت۔ دیگہ مذھبی پسندین ڈلئ
بہ لبیک اللہ اکبرئ ناما ھم بہ مین اسٹریم تھا آتگیت۔ ادھر کالعدم کہ جماعت
الدعوئ یک سربراہ انت و ممبئ ھلگرانی ماسٹر مائند حافظ سعید ھم لوٹوک ات کہ بہ
گیچئن کاریانی تھا کوت گیت۔ مگہ گیچئن کارئ کمشن آوانی ملی مسلم لیگ گلا
راجسٹر نہ کرتگیت۔ شہ میڈیائ سرئ عاید بوتگین پابندیانی وجا ھم بہ مُلکئ تھا
تروس و ھراس باز بوتگیت۔ چُنتی کومین و بین الاکوامین صحافتین دپتر و انجمن ھم
وتی تشویشا بری بھرا درا کرتگنت۔ نون ای راز معلوم بیت کہ پورہ ئن گیچئن کاری
فکسڈ انت و ھما چیزئ کی پوج لوٹوک انت ھما تسر بیت۔ اگہ ای راز بیت گڑان بری
معنا انت کہ یک وارئ دیگہ تیاری دارنت کہ جمھوریت آ گار کننت۔