قاضی رنجن گوگوئی آ ھِند اۓ نوخیں مزن ایں قاضی مقرر کھُزی آ شُزا

قاضی رنجن گوگوئی ھِند اۓ اگی ایں مزن ایں قاضی بی ۔قانون اۓ وزارت آ دوشی قاضی گوگوئی آ تقرر کھنغ اۓ نوتس جاری کھُزا۔آں مزن ایں قاضی دیپک مشرا اۓ جاگاہ گِری،ہماں کہ اگی ایں ماہ اۓ دو تاریخ آ ریتائیر بی غیں ۔قاضی گوگوئی ،مزن ایں قاضی مشرا آ پھدا مزن ایں عدالت اۓ سجوں آنژ سینئیر قاضی ایں ۔آں سۓ اکتوبر آ وتی عہدہ سنبھالی او سیزد ماہ آنی تکا ہمیں عہدہ چکا کار کھنت۔قاضی گوگوئی آ ۱۹۷۸ آ پریکتس بنِا کھُزا او آنہی آ بازی آ تر گوہاٹی مزن ایں عدالت آ پریکتس کھُزا۔آنہی آ فروری ۲۰۰۱ آ گوہاٹی مزن ایں عدالت اۓ مستقل قاضی مقرر کھُزی آ شُزا۔آنہی آ ۲۰۱۰ آ پنجاب او ہریانہ مزن ایں عدالت منتقل کھُزی آ شُزا او پھدا ہموزا مزن ایں قاضی مقرر بیسا ۔آنہی آ اپریل ۲۰۱۲ آ ترقی داسؤ مزن ایں عدالت اۓ قاضی مقرر کھُزی آ شُزا۔