کھٹمنڈو ۔ بودھگیا بس سروس تسَر بیسا

یک بس سروس نیپال اۓ بُنجہ کھٹمنڈو او بہار اۓ بودھ گیا اۓ نیمگا تَسَر بیسا۔نیپال او بہار اۓ نیمگا اولی ایں بس سروس آ دوشی پیشیں نیپال اۓ ترانسپورت اۓ وزیر واجہ رگھوبیر مہاسیٹھ او ھِند اۓ سپیر واجہ منجیو سنگھ پوری آ کھٹمنڈو آژ سوزیں جھنڈی پھیدھارتھؤ روانہ کھُزا ۔۴۵ سیٹ والا ائیر کنڈیشن ڈیلیکس بس کھٹمنڈو او بودھ گیا اۓ نیمگا ۶۶۰ کلومیتر اۓ دیری ۱۶ گھنٹہ آ پھیلو کھنت۔بس کھٹمنڈو آژ صبح ہپت بجہ ہر روش روانہ بی او اگی ایں روش بودھگیا آ صبح یازد وجہ پُجھی۔بس اۓ کرایہ یک ہزار دو سد او پنجہ بی۔دوایں مُلک آنی نیمگا شَر ایں سیال داری او مڑدم آنی نیمگا بستگی او سیاحت آ گیش کھنغ آپا ۲۰۱۴ آ سروزیر نریندر مودی اۓ نیپال اۓ دؤرہ آ یک لاری جُزینغ آپا منغ نامہ چکا دستخط  کھُزی آ شُزغۓ سا۔کھٹمنڈو ۔بودھ گیا نیپال اۓ وٹاژ بنِا کھُزی ایں پنچمی بس سروس ایں ۔بس سروس کھٹمنڈو آژ دلی او وارانسی ،مہندر نگر آژ دلی او پوکھرا آژ دلی سرا آژ بنِا بیسغاں ۔شش می سروس جنک پور او پٹنا اۓ نیمگا یک شمبھے آ بنِا بی غیں ۔