14.09.2018

سروزیر نریندر مودی،بنگلہ دیش اۓ آنہی ہم منصب شیخ حسینہ او رونشت بنگال او تری پورہ اۓ اعلی ایں وزیر آں چند روش پیشا مشترکہ ڈؤل چکا ویدیوکانفرنس کھُزؤ سۓ ترقی پروجیکت آنی بُنگیج کھُزا۔بنگلہ دیش اۓ ترقی آپا بنِا کھُزی این ہمیں پروجیکت آنی اندرا ھِند آژ بنگلہ دیش آ ۵۰۰ میگا واٹ اۓ گیش بجلی سپلائی او دو ریلوے پروجیکت اوار آن ۔ریلوے اۓ ہمیں دو پروجیکت آنی روگا بنگلہ دیش اۓ اکھورا آ ھِند اۓ اگر تلہ آژ ریل اۓ دگ آژ جوڑسی آ رؤ او بنگلہ دیش اۓ ریلوے اۓ کلورا ۔شہباز پور سیکشن اۓ باز آباد کاری کھُزی آ رؤ۔ہمیں پروجیکت آنی پورا بی اغ آ پھدا دوایں مُلک آنی نیمگا ریل بستگی گیش بی اغ اۓ پھجی آ سؤداگری دی گیش بی۔ہمیں سۓ خاصیں پروجیکت آنی بُنگیج آژ اے ٹؤک پدھر بیسا کہ بُرز آسیا اۓ دو خاصین ہمسائیگ آنی نیمگا خاصیں سنگت داری ایں ۔بُنگیج اۓ تقریب اۓ یک دم پھدا سروزیر نریندر مودی آ یک تویت آ گوشتا کہ ہمیں پروجیکت آنژ مڑدم آنی زِند روژن بی،آپس آ بستگی گیش بی او ھِند بنگلہ دیش اۓ نیمگا سیال داری گیش بی۔سروزیر اۓ ہمیں پیرا آژ ثابت بی کہ اے پروجیکت چھیختر خاصین آن ۔بنگلہ دیش اۓ بہرامارا او ھِند اۓ بہرام پور ٹرانسمیشن پٹی آگو بنگلہ دیش آ ۵۰۰ میگا واٹ اۓ گیش بجلی سپلائی کھنغ اۓ ھِند اۓ فیصلہ ثابت کھنت کہ آں ۲۰۲۱ تکا بنگلہ دیش آ اوسط آمدن والا او ۲۰۴۱ تکا ترقی کھنوخیں مُلک کھنغ آپا وتی مُچھیں واہریائی کھنغ آ باڑہ ایں ،واجہ مودی آ وتی گُشتانگ آ سروزیر شیخ حسینہ اۓ بنگلہ دیش آ ۲۰۴۱ تکا یک ترقی کھُزغین مُلک ٹھائینغ اۓ مقصد اۓ وشادگی کھُزا۔ڈن اۓ وزیر سشما سوراج او آنہی بنگلہ دیش اۓ ہم منصب آ دی نوخین دلی او ڈھاکہ آژ ویدیو کانفرنس آ بہر گِتا۔سروزیر نریندر مودی آ گوشتا کہ ترانسمیشن بستگی پورا بی اغ اۓ پھجی آ ہی بنگلہ دیش آ بجلی اۓ کھُل سپلائی یک اعشاریہ یک شش میگاواٹ بی رؤ۔آنہی آ میگا واٹ آژ گیگاواٹ اۓ سفر آ ھِند ۔بنگلہ دیش سیال داری آ تھنگوی دؤر آژ تعبیر کھُزا۔اگرتلہ ریل بستگی اۓ بارو آ وتی ویچار پدھر کھُزؤ سروزیر آ گوشتا کہ اے دوایں مُلک آنی نیمگا بستگی آ یک دوہمی دگ دا ۔آنہی آ گوشتا کہ چند سال آنی اندرا ہمیں مقصد آ پھیلو کھنغ آ باز دیم روی بیسا۔آنہی آ گوشتا کہ ہمیں سۓ پروجیکت آنی بُنگیج اۓ پھجی آ ہی دوایں مُلک آنی نیمگا بجلی او ریلوے کنیکتیوتی آ گیشتری بی ۔زکر اۓ لائیق انت کہ ھِند برصغیر اۓ بہر بی اغ آژ سرا بنگلہ دیش ریلویز اۓ کلورا ۔شہباز پور سیکشن موجوت اسا۔نی ہمیں سیکشن اۓ باز آبادکاری دوایں مُلک مِلسؤ کھناں ۔وتی گُشتانگ آ سروزیر مودی آ گوشتا کہ ہمسائیگ مُلک آنی سروک آنر ہمسائیگ وڑ اۓ سیال داری ایر کھنغ لوٹھی۔او آنہانر پروتوکول اۓ پرواہ کھنغ آ بغیر گپتران کھنغ لوٹھی او یک دوہمی اۓ ہموزا دؤرہ کھنغ لوٹھی۔اے پیرا صاف اشارہ کھنت کہ دیگر مُلک آنر دی ھِند ۔ بنگلہ دیش سنگتی سیال داری اۓ واہریائی کھنغ لوٹھی۔