بنگلہ دیش اۓ یک عدالت آ ۲۰۰۴ آ یک سیاسی ریلی چکا ھِلگر اۓ ڈوہ آپا ۱۹ مڑدم آنر موت اۓ سزا اُش کھنائینتھا

بنگلہ دیش آ یک عدالت آ ۲۰۰۴ آ سروزیر شیخ حسینہ آ حون کھنغ اۓ یک منصوبہ آ پیسر اۓ نائیب وزیر داخلہ پھجی آ ۱۹ مڑدم آنر آنہی نی عمل آنی آپا موت اۓ سزا اُش کھنائینتھا ۔اپوزیشن بنگلہ دیش نیشنلست پارٹی بی این پی اۓ سروک خالدہ ضیاء اۓ فرار بیسغیں بچھ او پارٹی اۓ نی ایں کار گُزار سروک طارق رحمان آ عمر قید اۓ سزا اُش کھنائینتھی آ شُزا ۔آں ہمیں سال فروری آ خالدہ ضیاء اۓ جیل روغ آ پھدا آژ بی این پی اۓ سروکی کھنغیں ۔خالدہ ضیاء آ ہماں کیس آ ڈوہی نہ کھُزی آ شُزغۓ سا ۔عدالت آ ہمیں کیس آ یازد دیگر مڑدم آنر جتا جتا سزا اُش کھنائینتھؤ ۱۸ مڑدم آنر عمر قید اۓ سزا اُش کھنائینتھغۓ سا ۔۲۱ اگست آ ۲۰۰۴ آ عوامی لیگ ریلی چکا یک ھِلگر آ بانکھ حسینہ آ نشانہ کھُزی آ شُزغۓ سا ہماں کہ آں وخت اپوزیشن لیڈر اسا ۔اے فیصلہ دسمبر آ پارلیمانی گچین کاری آژ سرا آختغۓ سا۔