دپاع اۓ وزیر بانکھ نرملا سیتا رمن دپاعی کار او سیکیورتی بستگی آنر گیش کھنغ آپا فرانس اۓ سۓ روشہ دؤرہ بنِا کھنغیں

دپاع اۓ وزیر نرملاسیتارمن مروشی آژ فرانس اۓ سۓ روش آنی دؤرہ بنِا کھنغیں ۔اُمیت انت کہ آنہی اۓ ہمیں دؤرہ آ دوایں مُلک وتی دپاعی او سیکیورتی بستگی آ گیش کھنغ اۓ بارو آ ویچار آنی تبادلہ کھناں ۔سرکاری زرائیع اۓ روگا بانکھ سیتارمن دوایں مُلک آنی نیمگا خاصیں سنگتی آ گیش کھنغ اۓ طریقہ او خاصین جاگاہی او ہورین دل لوٹھی اۓ عالمی مسلہ آنی چکا فرانس اۓ وتی ہم منصب واجہ فلورینس پارلے اۓ پھجی آ گپتران کھنت۔اُمیت ایں کہ دوایں دپاعی وزیر پؤجی پلیٹ فارم او ہتھیار مِلسؤ ٹھائینغ اۓ بارو آ دی داس گِپت کھناں ۔فرانس اۓ صدر ایمانول میکرون ہمیں سال مارچ آ ھِند آختغۓ سا او آنہی اۓ ہماں دؤرہ آ دوایں مُلک آ یک خاصین منغ نامہ چکا دستخط کھُزغۓ ساں ہمائی روگا یک دوہمی اۓ پؤجی آساقی آنی استعمال اۓ جاگاہ داسی آ شُزغۓ سا ۔آنہی آ بحری جنگی جہاز آنی آپا بحری پؤج اۓ اڈہ بوژغ دی اوار ایں ۔