سمندری طوفان تتلی مروشی صبح اُڈیشہ اۓ گوپال پور اۓ نزیخ پُجھسا

سمندری طوفان تتلی مروشی صبح اُڈیشہ اۓ گوپال پور اۓ نزیخ پُجھسا ۔اڈیشہ اۓ ساحلی جاگاہ آ ۱۲۶ کلومیتر یک گھنٹہ اۓ تیزی آگو تیز گواس جُزغیں ۔سمندر اۓ طوفان تتلی باز تیز بیسا او آنہی اثر اۓ بُنا اڈیشہ اۓ کے ای جاگاہ آنی اندرا تیز ہؤر بی غیں ۔گوپال پور جاگاہ آ کے ای درشک او برقی کھمبہ پاڑ آژ دار بیسغاں او ماڑی آنر نُقصان بیسا۔
سمندی طوفان صبح شش بجہ اڈیشہ ساحل پٹی چکا پُجھسا ۔گُنجام ضلع آ عامین زِند لاچار بیسا ۔دوہمی وٹا بُرز آ روغ والا چُنتی ریل گاڈی یا تہ معطل بیسغاں یا آنہاں نی دگ مٹینتھی آ شُزا ۔موسمی محکمہ آ اڈیشہ اۓ ۱۸ ضلع آنی آپا سخت ایں وارننگ جاری کھُزا ۔