11.10.2018

نی ایں روش آں نوخیں دلی آ بین الاقوامی شمسی اتحاد اۓ اولی ،انڈین اوشن روم ایسوسیشن مُلک آنی توانائی اۓ وزیر آنی دوہمی گلوبل ری انویست ۲۰۱۸ اۓ دی دوہمی بیٹھک منعقد بیسا ہمائی مزمانی نوخیں او قابل تجدید توانائی اۓ وزارت آ کھُزا ۔ہمیں سۓ اوں بیٹھک آنی بُنگیج سروزیر نریندر مودی آ کھُزا۔ہمائی مقصد نہ چھڑوئی آ مُچھیں جہان آ قابل تجدید توانائی آ گیش کھنغ اسا بلکہ ہمیں شعبہ آ عالمی سرمایہ کار آنی پھجی آ ھِند سرمایہ کار آنی بستگی پیدا کھنغ اسا۔ہمیں بیٹھک آ ۷۷ آژ گیش مُلک آنی نزیخ دو ہزار مندوبین آں بہر گِتا ۔بین الاقوامی شمسی اتحاد اۓ ہمیں اولی ایں اسمبلی آ اقوام متحدہ اۓ خاصین مڑدم ،کثیر جہتی ترقی بینک ،عالمی فنڈس او بین الاقوامی معاشی ادارہ آنی صدر او صنعتی و سؤداگری ادارہ آنی نمائیندگ آں بہر گِتا ۔عالمی ری انویست ۲۰۱۸ اۓ نیمگا فرانس ،امریکہ،آستریلیا،برطانیہ،فن لینڈ او یورپی یونین آ ۹ اجلاس آنی اہتمام کھُزا۔شمسی توانائی اۓ شعبہ آ بین الاقوامی شمسی اتحاد اۓ خاصین کردار چکا روژنائی ماکھُزؤ سروزیر نریندر مودی آ گوشتا کہ اے اتحاد یک اینگے پلیٹ فارم ایں ہمائی آگو آف او گواس آژ انصاف کھنغ اۓ مقصد پھیلو بیس بی۔اے یک سوکھڑی ایں ہماں کہ ما آئیغ والا ایں نسل آر دۓ غؤں ۔آنہی آ گوشتا کہ اُمیت ایں کہ آئیغ والا روش آنی اندرا ہمیں اتحاد آ جہان آ نوخیں جاگاہ مِلی ہماں کہ اے وخت اوپیک اۓ غیں ۔آؤخین روش آنی اندرا شمسی توانائی ہماں کردار ادا کھنت ہماں کہ اے وخت تیل اۓ کوہ کھنغاں ۔اقوام متحدہ اۓ سیکریتری جنرل اۓ سانڑی بی اغ ہمیں ٹؤک آ پدھر کھنت کہ عالمی ادارہ بین الاقوامی شمسی اتحاد آ باز اہمیت دا۔سروزیر آ گوشتا کہ انڈین اوشن روم ایسوسی ایشن مُلک آنی توانائی اۓ چیلنج یک وڑ آن ہمیں خاطرہ ہمیں مسلہ آ حل کھنغ آپا مارا قابل تجدید توانائی چکا دھیان مرکوز کھنغ اۓ ضرورت ایں ۔ہمیں بارو آ ھِند آ وتی یک نشانہ طۓ کھُزا او آں ایں ۲۰۳۰ تکا غیر قدرتی ایندھن اۓ زریعہ آگو ۴۰ پیصد بجلی پیدا کھنگ ۔او ۲۰۲۲ تکا ما ۱۷۵ گیگاواٹ اۓ قابل تجدید توانائی اۓ نشانہ آ پار کھنوں ۔آسر بی اوخیں تقریب آ سروزیر آ یک خاصین تجویز پیش کھُزا آں تجویز اسا ،یک جہان،یک روش،او یک گرِڈ۔ھِند اۓ ۲۰۲۲ اۓ ویژن آ پھیلو کھنغ آپا ۷۶ ارب امریکہ اۓ ڈالر آنی ضرورت بی ہمائی آپا سرکاری فنڈ باز نوی آں۔ہمیں خاطرہ ہمیں واہو آ پھیلو کھنگ آپا نجی سرمایہ کاری اۓ ضرورت بی۔