مالیاتی این وزیر ارون جیٹلی آ کرنسی نوٹ بندی آ معیشت آ باضابطہ کھنغ آپا یک خاصیں فیصلہ منسا

مالیاتی ایں وزیر ارون جیٹلی آ گوشتا کہ کرنسی نوٹ بندی معیشت آ باضابطہ کھنغ آپا سرکار اۓ وٹاژ کھُزی ایں فیصلہ آ یک خاصیں گام اسا۔آنہی آ گوشتا کہ مالیاتی ایں بہر داری یک دیگر خاصیں گام اساہمائی مقصد ہمیں ٹؤک آ باور دؤخ کھنغ اسا کہ پھدا بیسغیں طبقہ دی باضابطہ معیشت اۓ بہر بیس بی آں ۔دوشی نوٹ بندی اۓ دا سال پورا بی اغ چکا فیس بُک چکا یک پوسٹ آ واجہ جیٹلی آ گوشتا کہ سرکار اۓ اولی ایں نشانہ ھِند آژ درا سیاحیں زر اسا او ماڑی ایر کھنغ والا آنر گوشتی آ شُزغۓ سا کہ آں زر آنر گڑدینا بیاراں او آنہی چکا تادیبی ٹیکس دیاں ۔وزیر آ گوشتا کہ نوٹ بندی او جی ایس ٹی لاگو کھنغ آژ زر آنی گِرغ دۓ اغ چکا مزن ایں حد تکا پابندی  بیسا ۔آنہی آ گوشتا کہ نوٹ بندی اۓ اثر جاتی انکم تیکس اۓ وصولی آ محسوس کھُزی آ شُزا۔آنہی آ گوشتا کہ سرکار آ ہمیں وسیلہ آنر دیہی ھِند آ شَر ایں بنیاتی خاکہ اۓ قیام او سماجی سیکتر آپا استعمال کھُزا۔