کیلیفورنیا اۓ یک بار آ یک مڑدم اۓ باز تیر گواری آ سیزد مڑدم مڑتھغاں 

امریکہ اۓ کیلیفورنیا آ یک توپق بردار آ یک بار اندرا باز تیر گواری کھُزا ہمائی آ یک پولیس اپسر پھجی آ کم چہ کم سیزد مڑدم مڑتھغاں ۔اے تیر گواری مقامی وخت اۓ روگا یازد بجو بیست دمان چکا لاس اینجلس اۓ جال رونشت آ کیلیفورنیا اۓ تھاؤزنڈ اوکس آ بارڈر لائین بار اینڈ گِرل آ کھُزی آ شُزا۔تیر گواری آ کم چہ کم دھ دیگر مڑدم ٹھپی دی بیسغاں ۔عہدیدار آنی روگا شکی ایں مڑدم بار اندرا مُڑتھی آ مِلسا او تِنک آنہی شناخت نویسا۔پولیس آ گوشتا کہ آنہانر بار اندرا یک دستی توپق مِلسا ۔آنہاں نی گُشغ ایں شکی ایں مڑدم آ وضہار تیر جھزؤ کُشتا مگن نی تکا ہمیں ٹؤک اۓ تصدیق نویسا۔