سری لنکا اۓ صدر میتری پالا سری سینا آ پارلیمان تحلیل کھُزا او ۵ جنوری آ گچین کاری کھنائینغ آپا گوشتا

سری لنکا اۓ صدر میتری سری سینا آ اچانکی کاروائی کھُزؤ پارلیمان تحلیل کھُزا او اگی ایں سال ۵ جنوری آ گچین کاری کھنائینغ آپا گوشتا ۔دوشی شف جاری کھُزی ایں یک گزٹ اطلاع نامہ اۓ روگا پارلیمان دوشی نیم شفا تحلیل کھُزی آ شُزا او عامین گچین کاری آپا نام آنی کاگد داخل کھنغ اۓ عمل ہمیں ماہ تسر بی رؤ۔مۓ حوال کار آ حبر داسا کہ پارلیمان اۓ نی ایں مُدت اگست ۲۰۲۰ آ آسر بی غی اسا۔پارلیمان آ تحلیل کھنغ اۓ فیصلہ مہندا راج پکشے اۓ نوخیں سرکار اۓ ایوان آ ناسوبی آ پھدا کھُزی آ شُزا۔برطرف سروزیر رانل وکرما سنگھے اۓ سروکی والا یو این پی آ پارلیمان آ تحلیل کھنگ آ غیر قانونی منسااو گوشتیش کہ آں آنہی آ چیلنج کھنغ آپا گچین کاری کمیشن آگو بیٹھک کھناں ۔