07.12.2018

تاکستان بی یا ھِچھ دیگر مُلک وتی معیشت او سیکیورتی آ مستحکم کھنغ اۓ زمہ واری وا آنہی چکا بی۔آنہی آپا کھمیں او گیش مُدتی منصوبہ بندی باز ویچار او صلاح مشورہ آ پھدا کھُزی آ رؤ۔پیداوار او خرچ اۓ نیمگا براوری دی قائیم کھنغی بی۔خرچ آنی اندرا ہماں خرچ آنر گیش اہمیت داسی آ رؤ ہماں کہ سدھائی آ عوام اۓ ود او ترقی او وشحالی آگو جُڑسی آ بی آں۔پھجی آ ہی مُلک اۓ دپاع او سیکیورتی چکا دی مُچھیں دھیان دۓ غی بی۔ پاکستان وتی قیام اۓ ۷۲ سال پورا کھنغیں مگن ہمیں مرحلہ آ آنہی معیشت پِکر دؤخ انت ۔قرض آنر گڑدینغ اۓ مسلہ باز پریشان کھنوخ بیسا او ڈن اۓ مُلکی زر مبادلہ اۓ حالت دی فکر اۓ باعث انت۔اقتصادی بحران چکا قابو کھنغ آپا بار بار بین الاقوامی مالی فنڈ آپا گُشغی بی ۔گوستی ایں جولائی آ سروکی آ آئیغ آژ سرا عمران خان آ پاکستان اۓ اقتصادی حالت آنی چکا باز پکر آ پدھر کھُزغۓ سا او عوام آگو وعدہ کھزغۓ سا کہ آں اینگے اقتصادی پالیسی اپنائینی کہ عالمی مالیاتی ادارہ آنژ پھِنڈ نہ لوٹھغٖی بی۔مگن سروکی آ آئیغ آ پھدا آں محسوس کھنغیں کہ پاکستان اۓ اقتصادی بحران چکا قابو کھنغ آسان کار نعیں۔اصل آ پاکستان آ عامیں قومی خرچ او دپاعی خرچ آنی نیمگا براوری قائیم کھنغ آپا بے پرواہی کھُزی آ شُزا او عوامی ود اوترق پروجیکت آنی منصوبہ آنی بارو آ تہ گیش بے پرواہی آگو کار گِتی آ شُزا ۔پاکستان اۓ اقتصادی او سیاسی کار آنی زانتکار آنی اے ہم صلاحی ایں کہ پاکستان اۓ نی ایں بحران سال آنی غلط اقتصادی منصوبہ بندی او گیش بیسغیں دپاعی خرچ اۓ نتیجہ ایں ۔بہر حال نی ایں اقتصادی بحران چکا قابو کھنغ آپا عمران خان اۓ سرکار باز کوشش کھنغیں چھی اے سوب مند دی بیسا مگن آنہی آژ بنیاتی ایں مسلہ آ حل کھنغ آپا ھِچھ خاصیں سوب مندی نہ مِلسا ۔قرض آنی مسلہ چاک قابو کھنغ او بین الاقوامی مالی فنڈ چکا کھمیں دارومدار ایر کھنغ آپا عمران خان آ چُنتی سنگت مُلک آنی دؤرہ کھُزا۔سعودی عرب آ آنہی آ شش بلین ڈالر اۓ مدد داسا مگن پاکستان اۓ سنگت مُلک چین آژ آنہی آ ھِچھ مدد نہ مِلسا ۔گوستی ایں ماہ عمران خان باز اُمیت آگو چین شُزغۓ سا ۔ہماں وخت آں ہموزا آژ گڑتھؤ آختا تہ آنہی کابینہ اۓ باسک آں اے ویچار پدھر کھُزا کہ ہمیں دؤرہ آژ مزن ایں سوب مندی مِلسا او اُمیت انت کہ بین الاقوامی مالیاتی ایں فنڈ اۓ کھمیں ضرورت بی۔آنہی یک ہپتغ پھدا مالیاتی ایں وزیر اسعد عمر آ اے پیرا داسا کہ پاکستان آ ادائیگی اۓ بحران چکا قابو کھنغ اۓ حل وب مندی آگو پھولسا آنہی آ ایزا تکا گوشتا کہ شش بلین ڈالر اۓ زر سعودی عرب آژ پھیزاغیں ۔باقی اۓ کمی چین پھیلو کھنت۔چھڑوئی آ ہمیختر ہی نہ آنہی آ حوال کار نمائیدگ آنگو ٹؤک کھُزؤ اے دی دعوی کھُزغۓ سا کہ یک اعلی سطح اۓ ٹلہ چین رؤ ہماں کہ مُچھیں تفصیل طۓ کھنت۔مگن اینگا ھِچھ دی نویسا ،ہماں دی چھی اے بیسا آں عمران خان اۓ دیما بیسا ۔