سروزیر نریندر مودی آ گوشتا کہ مُلک اۓ نوخیں میڈیا نوخیں ھِند اۓ بُنشت آ گیش طاغت دا

سروزیر نریندر مودی آ گوشتا کہ مُلک اۓ میڈیا ادارہ آں قوم اۓ ود او ترقی اۓ یک مضبوط ستون اۓ ڈؤل چکا وتی زمہ واری آ شَر ایں وڑا پھیلو کھُزا۔نوخیں دلی آ جاگرن کنکلیو آگو گُشتانگ کھُزؤ واجہ مودی آ گوشتا کہ بیٹی پڑھاؤ۔بیٹی بچاؤ او سوچھ بھارت ابھیان آ عوامی تحریک کھنغ آپا میڈیا آ مثبت عمل کھُزا ۔آنہی آ گوشتا کہ ڈیجیٹل انقلاب اۓ وجہ آژ میڈیا اۓ ترقی بیسا او آئیغ والا ایں روش آ معاشرہ آ میڈیا اۓ کردار گیش خاصین بی۔سروزیر آ اُمیت پدھر کھُزا کہ نوخین میڈیا نوخیں ھِند اۓ بُنِشت آ گیش طاغت دا۔آنہی آ گوشتا کہ کم چہ کم گورنمنٹ گیش آژ گیش گورننس او سب کا ساتھ ۔سب کا وکاس ،نوخین ھِند اۓ اساس ایں ۔واجہ مودی آ گوشتا کہ نوخیں ھِند ہماں بی ہموزا عوام اۓ بہرداری آگو منصوبہ ٹھائینتھی آ رواں او عوام اۓ بہر داری آگو آں لاگو بی آں۔آنہی آ گوشتا کہ گوستی ایں چھیار سال آنی نیمگا سرکار ہمیں ویچار آگو اگا ودھسا ۔سرکار اۓ ترقی کار آنر پدھر کھُزؤ واجہ مودی آ گوشتا کہ ہر شعبہ آ مثبت بدلاؤ محسوس کھُزی آ رؤغیں ۔آنہی آ گوشتا کہ نی عوام آ سرکار چکا باور ایں،پھرچھے کہ سرکار مُچھیں ڈؤل آگو عوام آپا عہد آگو کار کھنغیں۔