بہ ابوظبی تھا نون ھندیی سومی رسمین زوان بہ محکمہ تھا انت۔

ابوظبی فیصلہ کرتگیت کہ ھور گون عربی و انگرزی زوانان نون شہ ھندیی زوانا ھم رسمین وڑئ بہ محکمہ آنی تھا کٹ گیت و ای گام گرگ پہ عدالتئ گیترین کار کنگا گپتگ بوتگیت۔ ابوظبئ عدلیہ دپتر گشتگیت آ نون کہ ھندیی زوانا رسمین وڑئ بہ عدلیہ تھا ھور کرتگیت نون بیان و لوٹگ گیترین وڑئ پٹ و پولئ چیرا گپتگ بنت۔ مئ روکپتئ ایشیائ احوالکار رپوٹ داتگیت کہ کم شہ کم ۳ اعشاریہ ۳ ملین ھندیی بہ یو اے ای تھا وتی زندا آ دیما برنت و گیشترکین شہ آوان کار کنوک انت۔ ای گام گرگ پہ ھندیی استمانا مدد کنت کہ بیدئ گجام سَکئ وتی حک و عدالتین پروسہ آنی باروا گیشترین معلومات ودی کرتگ کننت۔ بہ گئوستگین چُنت سال تھا ھند و یو اے ای نیاما بستگی بہ برزین کچانہ دیمرئی کرتگنت۔