14.02.2019

پاکستانئ تھا پہ وتی منا نون یک گیچئن بوتگین جمھورین حکومتئ مُلکئ نظم و ضبط آ دستا داریت۔ مگہ ای ھبر بیدئ گجام مبالغہ گشتگ بیت کہ بیدئ پوجئ اجازت آ بہ آ  مُلکئ تھا گجام چلگئ بال جتگ نہ کنت۔ میڈیا ھم پہ وتی منا آزات انت مگہ حکیکت ایش انت کہ بہ پوجئ حلاپا گجام ھبرئ داتن پورہ ئن پاکستانئ تھا ممنوع انت و اگہ گجام احوالکارئ ای کارئ کنگئ کوشست آ کنت بہ آی سرا کوشوکین ھلگر بیت۔ گرفتار بنت و آوانا اذیت و آزار ھم کننت و حتئ آی را کشتگ ھم کننت۔ چُنتی احوالکار کہ شہ پوج و آی ایجنسیانی نیمگا معتوب بنت پہ وتی زندئ رکینتنا مجبور بنت کہ وتی مُلکا ویل کننت۔ چُنت سال دیما وھدہ کہ پاکستانئ بحریہ کراچئ بئیس سرا دھشت گرد ھلگر کرتنت بری بھرا یک احوالکارئ بہ سلیم شھزادئ ناما یک رپوٹئ جور کرت، کہ شہ آی ای ھبرئ پھد جتگ بوت کہ بحریہ سیکورٹئ چُنت اپسر گون دھشت گردان بستگی داشتگنت و پہ آوان خفیہ معلومات داتگنت و شہ ھمی وجا ای وڑئ ھلگرئ تسر بیگ ممکن بوتہ۔
بری رپوٹئ دیم بخششئ جاگہ سلیم شھزاد نہ تھانکا اذیت و آزار بوت بلکہ جیئنتگ بوت و رندا کشتگ بوت و ای بی گور و کفن ئن لاش آ یک نیمگئ پرینتنت۔ سلیم شھزاد پہ وتی بعضی شہ دوستان ھمی وڑا گشتت کہ آی زند شہ ایجنسیانی نیمگا بہ خطر آ انت مگہ تہ نونین روچا نہ پہ گجام مردمئ سزا داتگ بوتہ و نہ معلوم بوتہ کہ ذموار کئ انت۔ پاکستانئ احوالکار مجبور انت کہ بہ ای رازئ حالاتان کار کننت۔ بہ پوج و ایجنسیانی حلاپا گجام تنقیدئ نعوذ باللہ چو اھانتئ دین آ یک چیزئ جور بوتگیت۔ سیکورٹئ ڈل و ایجنسیانی ظلم و جبرئ بی شمارین دپ دیگ ھر روچ تسر بنت۔ مگہ دیگہ حلقہ ھم شہ ای لعنت آ محفوظ نہ انت۔ بری وھدہ پشتونئ نسلئ ورنا و کارکنوک جیئنتگ بنت۔ آوانی فریاد آ ایچ مردمئ گوش دارگا نہ انت۔ پاکستانئ میڈیا ھم بہ تروس و لرز آ انت کہ بہ پوجئ فشارئ چیرا بہ ایشانی باروا گجام رپوٹ یا ھالئ شینک کنت۔ بہ نونین وھدان عالم ایش انت کہ بہ تنگ آمد بہ جنگ آمد مصداق پشتون ورنا و کارکنوک پہ پشتونئ حکانی تحفظ آ یک موومنٹئ بناہ کرتگنت۔ کہ بہ آی سیائگا بہ مختلفین شھرانی تھا پر امنئن احتجاج کننت مگہ آوانی احتجاجئ نوٹس گپتگ نہ بیت۔
پشتون ورنا شکایت دارنت کہ ۲۰۰۱ سالا چُنتی مردم شہ اوگانستان جیستنت و بہ پاکستانئ تھا بہ ھما جاگان کہ پشتون آنی آبادی انت پناہ گپتنت، پہ چہ کہ پاکستان و اوگانستان گون یکئ آ دیگرا سیمسر دارنت۔ آوان ای شکایت آ دارنت کہ بہ دھشت گردیئ ناما چُنت دھشت گردانا ای سیکورٹئ پوج گرفتار کرتگنت و یا کشتگنت شہ ایشی آوانی جیند سی انت مگہ آوان مقامی آبادی آ گیشتر نشان گپتگنت۔ آوانی کریئر تباہ بوتگنت و آوانی گئسانی سرا ھلگر بوتگیت۔ چُنتی مردم وتی گئسانا ویل کرتہ پاکستانئ دیگہ شھرانی تھا پناہ گپتگنت۔ آدنا ھم آوانا بہ دھشت گردیئ ناما کشنت۔ بہ گئوستگین سالئ تھا، یک ورنائن پشتونئ بہ نقیب اللہ محسود ناما بہ کراچئ تھا شہ پولیسئ نیمگا دھشت گرد خطاب بوتہ کشتگ بوت۔ مگہ آ یک عامین ورنائ ات، کہ کوشست داشت موڈلئ بیت۔ شہ آدنا رندا پشتون ئن ورنا منظمین وڑئ تحریکئ را بناہ کرتنت۔ و پہ وتی جمھورین حکئ گرگا وتی توارا برز کرتنت۔ آوانی سربراہ بہ منظور پشتین ناما یک ورنائ انت۔ آ لوٹوک انت کہ جبرین بی پھدئ سلسلہ الاس بیت و ماورائی عدالت پشتون آنی کشگئ سلسلہ بند بیت۔ پاکستانئ میڈیا بی وجین وڑئ آوانی توارا نظرانداز کنت۔ شہ ھمی وجا منظور پشتین بہ ھمی وھدان پہ نیویورک ٹائمز ممتازین ھال دیوکانی یک مضمونئ لیکت کہ آی سرگل ات ” پوجی گشنت کہ ما غددار انت، مگہ ما تھانکا وتی حکئ لوٹوک انت” نیویورک ٹائمز ای مضمون باید انت کہ بہ پاکستانئ ھالانی تھا شایع بوتن مگہ نہ بوت۔
ای کالم پورہ ئن وڑئ خالی منت۔ ای ھبر غور کنگئ وڑ انت کہ ھما مضمونئ کہ بین الاکوامین ھالانی تھا شایع بوتہ ھم بیدئ پاکستانئ پوجئ اجازت آ شایع بوتگ نہ کنت۔ شہ ایشی ای ھبرئ کچانہ جتگ بیت کہ عمران خانی نوکین پاکستانئ تھا نہ تھانکا ھما مردمانی توار کہ وتی جمھورین حکئ لوٹوک انت پادموش بیت بلکہ آوانا شہ آزادئ تحریر آ ھم محروم ساتنت۔