16.02.2019

بہ کشمیرئ پلوامہ سیما پنچشنبہ روچا پاکستانئ دھشت گردین تنظیم جیش محمدئ وت کُشین ھلگر ای ھبرئ گواہ انت کہ عمرانی سرکارئ دورہ حالات بدتر و بدتر بیاگا گامزور انت۔ دیم شہ واکئ رسگا پاکستانئ سرئ وزیر گون ھند وتی دوستین بستگئ گیتیر کنگئ ھبرا دات۔

پنچشنبہ روچئ دیگر آ سی آر پی اف قافلہ سرا وت کُشین ھلگرا کم شہ کم ۴۵ ورنا شھید بوتگنت۔ جیش محمدئ نامئ تنظیم نہ تھانکا ای ھلگرئ ذمہ داری آ منتگیت بلکہ ای ھگرئ ویڈیو آ رادگ کرتگیت۔ سوج ایش انت کہ عمران خانی حکومتئ موجودین دعوی ھمیش انت کہ گون ھند پاکستانئ بستگئ گھیتیر کنگئ عزما بہ دیما گپتگیت۔

عمران خانی حکومتئ قیام آ رندا پاکستانئ پوج چی رول داریت و چی وڑا پوج پاکستانئ تحریک انصاف گلئ گیچئن کارئ دوران ا بہ ھر گامئ مدد کنگا ات۔ ایش گجام چیرین ھبرئ نہ انت کہ پاکستانئ پوجئ سروکیا دھشت گردین تنظیم و ڈلانا رودینگا انت۔ ایشا ھم دنیا زانت۔ آیا عمران خان ایشی حوصلہ داریت کہ حکیکت آ منیت کہ پلوامہ دھشت گردین ھلگرکنوک جیش محمد دھشت گرد پاکستانئ پوجئ حمایتا دارنت۔

آیا آ اینکس ھمت داریت کہ بری معاملہ ذموارین پوجین اپسرانی حلاپا کانونین کاروائی کنت یا کم شہ کم گیرنیمہ دارین پٹ و پولئ بھرا گجام گامئ زوریت۔ عمران خان و آئ سرکار ایشی را ھم منتگ نہ کنت کہ پاکستان جیش محمدی رودینگئ کیمپانا بند کنت و آوانی دیما بروکانی حلاپا سَکین کاروائی حکم آ دنت۔ عمران ای وڑا کرتگ نہ کنت پہ چہ کہ آی واک و پاکستانئ جمھوریت پوجئ منت وار انت۔ پاکستان پورہ ئن دنیا دھشت گردئ نیمہ دارین پالسئ وجا گون سَکین سَکیان دیم پہ دیم انت۔ عالمین براس پاکستانئ دو نیمگین رپتارئ بھرا حیران منتگنت۔

پاکستان شیت، شہ دھشت گردانی وجا تباہ بیگا انت مگہ بہ ھندیی حلاپئ سازشان عملی کنگا پہ چہ پوج و دھشت گردانی مدد کنگ زروری انت۔ و پہ امیشی دھشت گردیئ اژدیارانا رودینگا انت و مُچین اصولانا سفارتی و اخلاقی آنا طاقئ برزگا اشتگیت۔

تہ جائ کہ بہ پوجا بستگی داریت آئ رول ھر وھدہ بہ ھندیی حلاپا بوتگیت و وتی کٹانا بہ دوکین مُلکانی بستگئ بھرا گیندگا انت۔ شہ بد کسمتی آ مُچین سیاسین گل بہ پاکستانئ تھا پہ تی کٹانی وجا پوجئ دیما سرش جال انت و پوج پہ وتی برترئ ثابت کنگا ھر وھدہ شیت کہ شہ ھندیی ھر ممکنین ھلگرئ دیما حفاظت کنگا انت.

پوج بہ ھندیی حلاپا منفی پروپاگند کنت و مُچی گون ھمی مُچین پروپاگندان بہ دھشت گردین تنظیمانی رودینگئ سیائگا جواز پہ وت پیش کنگا انت۔

ھندیی کورین دشمن پاکستانئ سیائگا یک وارئ پکر کرتہ کہ ای پالسی بہ پاکستانئ جمھوریت و ھر دوکینان ٹپ رسینگا انت۔ و پاکستانئ بین الاکوامین رازا خراب کنگا انت۔

تہ جائ کہ پلوامہ ھلگرئ بحث ھبر انت بہ ای ھبرئ تھا ایچ شک نہ انت کہ ھلگرا پاکستانئ نیمہ دارین دھشت گردین تنظیم جیش محمد کرتگیت و جیش محمد ھلگرئ ذمہ گردن گرگ ای ھبرئ گواہ انت – ای ھما تنظیم انت کہ بین الاکوامین کونسل، آمریکہ و دیگہ بازین مُلک نہ تھانکا منع بوتگ زاننت بلکہ پہ ای ھبرا پاکستانئ سرا ڈبہ پرینگا انت کہ آی دھشت گردانی حلاپا کانونین وڑئ آوانا سزا دیگا بیت مگہ پاکستان بہ جمو و کشمیر نونین حالتئ کہ ھست پورہ ئن وڑئ ذموار انت و آ ھندئ ورنا آنا گمراہ کنگ و بہ دھشت گردئ راہ برگئ کوشستان ھستیت۔

پاکستان ای ھبرا شرّین وڑئ باید انت زانت کہ ای وڑئ بزدلین ھلگر پہ وتی شومین مکسد آن سوبین نہ بنت۔

عمران خانی حکومت و پاکستانئ پوج بہ ای غلط فھمی آ مہ ماننت و گون وتی دو نیمگین پالسی آ پہ ھندیی کم واک کنگا سوبین نہ بنت۔ خاسین وڑئ عمران خان ایشا باید انت زانت کہ بہ پوجئ سروکیا رادگین دھشت گردیا ھند قطعین وڑئ برداشت نہ کنت و سَکین پسوئ دیگا انت۔ رازئ کہ گیسویین کارانی وزیر واجہ رجنت سینگ دروائین وڑئ گشت، درا انت کہ دو مُلکئ بستگئ خراب بیگئ بار پاکستانئ استمانئ سرا کپیت، عمرانئ حکومت باید انت کہ زانت، کہ دھشت گردیئ نیمہ داری کم واکی انت و آی را بہ عالمین کچانہ خراب کنگا انت۔

عمران خان شہ وتی پوجئ ڈبانی چیرا در بیت و پہ راستین وڑئ شہ دھشت گردئ دپ دیگان شہ ھند بخشش بلوٹیت و سازش جور کنوکانا بہ آوانی سزا زرور برسینیت۔