شہ پاکستانئ نیمگا ممنوعہ ئن ڈلانی سرا پابندی تسر بوتہ مگہ شک سلسلہ نون ھم رادگ انت۔ 

رندا شہ ایشی کہ بہ پولوامہ تھا، سی آر پی اف گیش شہ ۴۰ جوان شھید بوتنت و رندا بالاکوٹ تھا جیش محمد کیمپانی سرا اسٹرائیک بوت ای ھبر نون عالمین کچانہ گپ و ترانئ سرگلئ بوتہ کہ پاکستان تہ چی وھدہ شہ دھشت گردین تنظیمان پہ ھم پلّین مُلکانی گیرمستحکم کنگا آلہ وڑا کٹ گیت۔ ھندوستانئ تھا سَکین غم و غصہ ماحولئ ودی بیگ فطری ات، مگہ عالمین براسداری ھم وتی تشویش و ناوشنودی آ بہ ھندیی نیم پوجین جوانانی شھید بیگئ بھرا درا کرت۔ بین الاکوامین کونسلئ سیکورٹئ کونسل یک زبردستین بدگشئ بیانئ شہ ای ھلگرا جار کرت و گیشترکین مُلک شہ سیکورٹی کونسل آ لوٹوک بوتنت کہ جیش محمدئ سربراہ مسعود اظھر آ عالمین دھشت گردئ ناما دینت۔ چین و عربین مُلک ھم پولامہ دھشت گردئ بھرا وتی تشویش آ درا کرتنت و شہ دوکین مُلکان لوٹوک بوتنت کہ اجازت مہ دینت کہ دو مُلکانی نیاما کشیدگی گیش بیت۔ ای مُچین ھبر فورین اثرئ داشتنت کہ شہ آی وجا پاکستان ھندیی ھوائین پوجئ پیلوٹ آ کہ بہ آی حراستا ات بہ زوترین وھدہ پہ دوارگ ھند دیم دات۔ ای ھبر ھم نون محسوس بیت کہ پاکستان عالمین براسدارئ فشار آ نون محسوس کنت و شہ ای وجا چُنت گام زورتگیت کہ آی مکسد بظاھریی ھم بوتگ کنت کہ یک راز نہ یک رازئ پاکستانئ حلاپا ای ناراضگی و ناوشنودئ ماحول الاس بیت مگہ پہ خاطرئ کہ پاکستانئ تھا گیچئن بوتگین حکومت عملا اختیار نہ بیت و اصلین واک پوجی اسٹبلیشمنٹ کنٹرلئ چیرا انت شہ ھمی وجا ھر وھدہ کہ بہ دھشت گردانی حلاپا گجام کاروائی بیت و گجام گام گرگئ تسر بیت آی پھدا یک سوجئ پھاد بیت۔
مثلا جماعت الدعوہ سربراہ حافظ سعید حلاپا چُنتی وار گام زورتگ بوتگیت مگہ ھر وار ھمی ھبر درا بوتہ کہ آ کاروائی مُچین ظاھرین کاروائی بوتگنت و آوانی مکسد تھانکا ایش بوتہ کہ عالمین براسدارئ فشار آ یک رازئ نہ یک رازئ کم کنت۔ پہ چہ کہ نونین حالاتان، پاکستانئ پوزیشن بی حد کم واک انت و شہ بین الاکوامین کونسل آ گپتہ تہ ایف آی ٹی ایف مُچین آنی رویہ بدل بوتہ، شہ ای وجا پاکستان محسوس کرتگیت کہ باید یک کار نہ یک کارئ کنت کہ پاکستانئ حلاپا غصہ و بیزارئ ماحول بدل بیت۔ شہ پاکستان حکومتئ سرکارئ نیمگا یک آرڈرئ جاری بوت کہ جماعت الدعوہ و فلاح انسانیت ٹرسٹ وڑئ تنظیمانی حلاپا سَکین گام زورتگ بیت کہ لشکر طیبہ موشکولیانا پردگئ پشتا تسر کننت۔ بری حکم نامہ تھا کہ مارچ چارمی تاریخا جار بوتہ لیکتگ بوتگیت کہ بین الاکوامین کونسلئ نیمگا دھشت گرد قرار داتگ بوتگین تنظیم و مردمانی حلاپا موثرین کاروائی بیت و آوانی مُچین املاک منجمد بنت یا عملا ضبط بنت کہ پورہ ئن وڑئ یا جزوین وڑئ اوانی کنٹرلئ چیرا انت۔
ای ھبر ھم لیکتگ بوتگیت کہ ۱۲۶۷ کمیٹی سیائگا ممنوعہ بوتگین مُچین تنظیم و ڈلانی سرا ای فیصلہ نافذ بیت و آوانی اثاثہ و املاک ضبط بنت۔ ای ھبر یات کنگئ وڑ انت کہ جماعت الدعوہ و فلاح انسانیت ٹرسٹ آ لشکر طیبہ پراکسی وڑا سیکورٹی کونسل بہ وتی لسٹ تھا شامل کرتت۔ پاکستان بہ آوانی سرا عملا پابندی عائد نہ کرتت بلکہ آوانا بہ واچ لسٹ تھا شامل کرت۔ 
بہر حال شہ ای نوکین آرڈر آ ای ھبرئ کچانہ جتگ بیت کہ پاکستان سَکین گام زوریت مگہ پہ راستی ای وڑئ کارئ کنت۔ ای ھبر شہ ای وڑا باورئ وڑ نہ انت کہ دیم شہ ایشی ای وڑئ گام زورتگ بوتگنت مگہ صورتحال رتی برابیر آ ھم گجام بدلینگئ نہ یاتگیت و ای تنظیم مُچین آزادانہ ئن وڑئ وتی موشکولیانا دیمرئی داتنت۔ ۲۰۱۸ سالئ فرورئ ماہ، ھم پاکستانئ حکومت ای رازئ یک فیصلہ کرت کہ صدارتی ارڈیننسئ وڑا جاری بوت مگہ تھانکا ۶ ماہ رندا، آ ارڈیننس لبس بوت پہ چہ کہ حکومت وت لوٹوک ات کہ آ لبس بیت۔ ۲۰۱۹ سالئ فرورئ ماہ ایف آی ٹی ایف محسوس کرت کہ پاکستان مطلوبہ ئن کاروائی نہ کنت شہ ای وجا آ پاکستان آ شہ وتی گرئ لسٹ آ ڈنا در نہ کرت۔ و شہ آی بدگشی کرت کہ آ سنجیدہ ئن کاروائی نہ کنت۔ 
ھندوستان بہر حال ای وڑئ ظاھرین کاروائیانی سرا باور نہ کنت۔